Best Web Hosting Provider In India 2024
AP ICET Counselling: నేటి నుంచి ఏపీ ఐసెట్ కౌన్సిలింగ్ ప్రారంభం కానుంది. ఏపీలో ఎంబిఏ, ఎంసిఏ కోర్సుల్లో ప్రవేశాలకు సంబంధించిన కౌన్సిలింగ్ ప్రక్రియ శుక్రవారం నుంచి ప్రారంభం అవుతుంది.
ఏపీలో ఐసెట్ 2024 కౌన్సిలింగ్ నేటి నుంచి ప్రారంభం కానుంది. ఆగస్టు 1వ తేదీ వరకు రిజిస్ట్రేషన్ చేసుకోవచ్చు. జూలై 27వ తేదీ నుంచి ఆగస్టు 3వ తేదీ వరకు ధృవపత్రాల పరిశీలన, 4వ తేదీ నుంచి 7వ తేదీ వరకు ఆప్షన్ల ఎంపిక అవకాశం కల్పిస్తారని ఆగస్టు 8న ఆప్షన్లను మార్చుకునేందుకు అనుమతిస్తారు. మొదటి విడత సీట్ల కేటాయింపు జూలై 10న చేపడతారు.
ఏపీ ఐసెట్ 2024 ఫలితాలు ఇప్పటికే వెలువడ్డాయి. పోస్ట్‌గ్రాడ్యుయేట్ కోర్సుల్లో భాగంగా ఎంబిఏ, ఎంసిఏ కోర్సుల్లో ప్రవేశాల కోసం ఐసెట్ పరీక్షను నిర్వహించారు. ఈ పరీక్ష ద్వారా రాష్ట్రంలో ప్రభుత్వ యూనివర్శిటీల పరిధిలోని కన్వీనర్ కోటా, ప్రైవేట్, మైనార్టీ,అన్‌ఎయిడెడ్ కాలేజీల్లో ఎబిఏ, ఎంసిఏలలో ప్రవేశాలు కల్పిస్తారు. జూలై 26వ తేదీ నుంచి ఐ సెట్ స్కోర్‌ కార్డ్‌‌తో పాటు ఇతర పత్రాలను అప్‌లోడ్ చేయాల్సి ఉంటుంది. ఓసీ, బీసీ అభ్యర్థులు ప్రాసెసింగ్ ఫీజుగా రూ.1200 చెల్లించాల్సి ఉంటుంది. ఎస్సీ, ఎస్టీ, దివ్యాంగులు రూ.600చెల్లించాల్సి ఉంటుంది. కౌన్సిలింగ్ ఫీజును ఆన్‌లైన్‌లో మాత్రమే చెల్లించాల్సి ఉంటుంది.
కౌన్సిలింగ్ షెడ్యూల్‌కు సంబంధించిన పూర్తి సమాచారం https://cets.apsche.ap.gov.in/ICET/ICET/ICET_HomePage.aspx లో అందుబాటులో ఉంటుంది.
వారికి అక్కడే కౌన్సిలింగ్…
ఐసెట్ అడ్మిషన్లు కోరుకుంటున్న వారిలో దివ్యాంగులు, సాయుధ బలగాల సంతానం(CAP),ఎన్‌సిసి, స్కౌట్స్‌, క్రీడలు, ఆంగ్లో ఇండియన్‌ కోటాలో అడ్మిషన్లు పొందే విద్యార్ధులకు సర్టిఫికెట్ వెరిఫికేషన్ విజయవాడలో నిర్వహిస్తారు. ఈ క్యాటగిరీల్లో అడ్మిషన్లు పొందే విద్యార్ధులకు విజయవాడలోని ఆంధ్రా లయోలా కాలేజీ హెల్ప్‌లైన్‌ సెంటర్‌లో మాత్రమే ఆగస్టు 2వ తేదీన సర్టిఫికెట్ వెరిఫికేషన్ నిర్వహిస్తారు.
స్కోర్‌ కార్డ్‌ ఇలా చెక్‌ చేసుకోండి…
ఏపీ ఐసెట్ ఫలితాలు ఇప్పటికే విడుదలయ్యాయి. ఈ ఏడాది నిర్వహించిన ఏపీ ఐసెట్ పరీక్షకు మొత్తం 48,828 మంది విద్యార్థులు దరఖాస్తు చేసుకున్నారు. వీరిలో 18,890 మంది బాలురు, 29,938 మంది బాలికలు ఉన్నారు. పరీక్షకు మొత్తం 44,446 మంది (91 శాతం) అభ్యర్థులు హాజరయ్యారు. మే 8న ఐసెట్ ప్రిలిమినరీ కీ అందుబాటులోకి వచ్చింది.
- ఏపీ ఐసెట్ రాసిన అభ్యర్థులు మొదటగా https://cets.apsche.ap.gov.in/ICET/ICET/ICET_HomePage.aspx వెబ్ సైట్ లోకి వెళ్లాలి.
- హోంపేజీలో కనిపించే AP ICET Results 2024 లింక్ పై క్లిక్ చేయాలి.
- ఇక్కడ మీ రిజిస్ట్రేషన్ నెంబరు, హాల్ టికెట్ నెంబర్ వివరాలు నమోదు చేయాలి.
- సబ్మిట్ బటన్ పై నొక్కితే మీ ఫలితం డిస్ ప్లే అవుతుంది.
- ప్రింట్ లేదా డౌన్లోడ్ ఆప్షన్ పై నొక్కి కాపీని పొందవచ్చు.
- Download AP ICET Rank Card 2024 – ర్యాంక్ కార్డు ఇలా డౌన్లోడ్ చేసుకోండి
ఏపీ ఐసెట్ ప్రవేశ పరీక్షను ఈ ఏడాది శ్రీకృష్ణదేవరాయ యూనివర్సిటీ నిర్వహించింది.ఈ ఏడాది ఫలితాల్లో 96.71 శాతం మంది అభ్యర్థులు ఉత్తీర్ణత సాధించారు.
టాపిక్
