Happy Independence day 2024: స్వాతంత్య్రోద్యమ సమయంలో దేశభక్తిని రగిలించిన సమర నినాదాలు ఇవి, ఇప్పటికీ స్పూర్తివంతమే

Happy Independence day 2024: స్వతంత్రం, స్వేచ్ఛ.. ఇవి భారతీయులకు దక్కాయంటే దాని వెనుక ఎంతో మంది స్వాతంత్య్ర సమరయోధుల త్యాగం ఉంది. భారతదేశం స్వాతంత్ర్య వెనుక రెండు వందల ఏళ్ల పాటు సాగిన నిశ్శబ్ధ యుద్ధం ఉంది. మహాత్మాగాంధీ, జవహర్‌లాల్ నెహ్రూ, రాణి లక్ష్మీబాయి, బాలగంగాధర్ తిలక్, సుభాష్ చంద్రబోస్, లాల్ బహదూర్ శాస్త్రి, లాలా లజపతిరాయ్… ఇలా ఎంతో మంది తమ జీవితాలను పణంగా పెట్టి భారతదేశానికి స్వేచ్ఛను ప్రసాదించారు.తమ పోరాటంలో ప్రజల్లో స్వాతంత్య్ర కాంక్ష పెంచేందుకు ఉత్తేజపరిచే ప్రసంగాలను చేశారు. ఆ ప్రసంగాలలో ఎంతో స్పూర్తివంతమైన నినాదాలను ఇచ్చారు. ఆ నినాదాలు భారతీయుల్లో సమరోత్సాహాన్ని పెంచాయి. మరెంతోమంది స్వాతంత్య్రోద్యమంలో అడుగుపెట్టేలా చేశాయి. ఇప్పటికీ ఈ నినాదాలు స్పూర్తి రగిలించేవే.

స్వాతంత్య్రోద్యమంలో స్పూర్తి రగిలించిన నినాదాలు

1. నన్ను తాకిన తూటాలు భారతదేశంలో బ్రిటిష్ పాలన అనే శవపేటికకు చివరగా కొట్టే మేకులు – లాలా లజపతి రాయ్

2. సత్యమేవ జయతే – మదన్ మోహన్ మాలవీయ

3. మీరు నాకు రక్తాన్ని ధారపోయండి, నేను మీకు స్వతంత్రాన్ని ఇస్తాను – సుభాష్ చంద్రబోస్

4. చేయండి లేదా చావండి (Do or Die) – మహాత్మగాంధీ

5. స్వరాజ్యం నా జన్మహక్కు, అది నాకు దక్కితీరుతుంది – బాలగంగాధర తిలక్

6. నువ్వు నన్ను బంధించగలవు,నన్ను నాశనం చేయగలవు, నా శరీరాన్ని నాశనం చేయగలవు, కానీ నా మనస్సును ఎప్పటికీ బంధించలేరు – మహాత్మగాంధీ

7. మీ దేశం మీకోసం ఏమి చేసిందని అనుకోకండి, మీ దేశం కోసం మీరేం చేశారో పశ్నించుకోండి – జవహర్ లాల్ నెహ్రూ

8. మనుషులను చంపగలరు కానీ వారి ఆదర్శాలను ఎవరూ చంపలేరు – భగత్ సింగ్

9. భారతదేశం, భారతీయుల కోసమే – స్వామి దయానంత సరస్వతి

10. ఒకే దేశం, ఒకే దేవుడు, ఒకే కులం, ఒకే ఆలోచన… తేడాలు లేవు, అనుమానాలు లేవు, మేమందరం అన్నదమ్ములం – వి.డి.సావర్కర్

11. దేశం కోసం చావడానికి సిద్ధంగా లేనివారికి …

దేశంలో బతికే హక్కు లేదు – నేతాజీ సుభాష్ చంద్రబోస్

12. అహింసను మించిన ఆయుధం లేదు – మహాత్మా గాంధీ