Best Web Hosting Provider In India 2024
ముందుగా ఈ 30 రోజుల్లో మిమ్మల్నిమీరు ప్రేమించుకోబోయే చాలెంజ్‌కి మీకు స్వాగతం. మీకోసం మీరు ఏమైనా చేసుకోవాలని మీకు అనిపించిందీ అంటే మొదటి మెట్టు ఎక్కేసినట్లే. మీమీద మీకు ప్రేమ మొదలైనట్లే. వేగంగా పరిగెత్తే సమయంతో పోటీపడి మరీ మనం జీవితం సాగిస్తున్నాం. మనకోసం మనం ఆలోచించుకునే సమయమే ఉండదు. ముఖ్యంగా ఆడవాళ్లు ఇంట్లో పనులు, ఉద్యోగం, పిల్లలను చూసుకోవడం.. వీటిల్లో పడి వాళ్లకంటూ ఉన్న ఇష్టాల్ని మర్చిపోతారు. అలా ఎక్కువ రోజులు గడిపేస్తే జీవితం మీదే విరక్తి పుడుతుంది. ఆత్మవిశ్వాసం తగ్గుతుంది. అలా జరగకూడదంటే సంవత్సరంలో ఒక్కసారైనా ఈ 30 రోజుల సెల్ఫ్ లవ్ చాలెంజ్ చేయాల్సిందే.
ఈ ముప్ఫై రోజులు మీకు నచ్చిన పని రోజులో ఒక్కటన్నా చేయాలి, మీ ఇష్టాలు గుర్తు చేసుకోవాలి, మీలో ఆత్మవిశ్వాసం పెరిగేలా ఈ రోజులు ఉపయోగపడాలి. దానికోసం ముప్ఫైరోజుల కోసం ఒక ప్లానింగ్ వేసుకోండి. మీకు ఉపయోగపడే అలాంటి ప్లానింగ్ ఒకటి కింద ఇచ్చాం. చూసేయండి..
1 రోజు:
మీకు మీలో నచ్చిన 10 విషయాలు రాసుకోండి.
2 రోజు:
మీరు మీ జీవితంలో ఎవరికి రుణపడి ఉన్నారో గుర్తు చేసుకోండి.
3 రోజు:
వాకింగ్ వెళ్లండి. మ్యూజిక్ వినండి.
4 రోజు:
ఒక రోజంతా ఫోన్ వాడకుండా మీకోసం మీరే సమయం కేటాయించుకోండి.
5 రోజు:
మీ స్నేహితులతో కలిసి బయటికి వెళ్లండి. వీలైతే డిన్నర్ చేసి రండి.
6 రోజు:
ఎవరికైనా భోజనం, బట్టలు, లేదా అవసరమైన వస్తువులేవైనా దానం చేయండి.
7 రోజు:
మీకిష్టమైన భోజనం వండుకుని తినండి.
8 రోజు:
మీకు మీరే ఒక లవ్ లెటర్ రాసుకోండి.
9 రోజు:
మీరు సాధించాలనుకుంటున్న పనులు ఏవైనా 5 రాసి, అద్దానికి అతికించండి.
10 రోజు:
దగ్గర్లో ఉన్న గ్రంథాలయానికి వెళ్లి మీకిష్టమైన పుస్తకాలు చదువుతూ రోజు గడపండి.
11 రోజు:
కనీసం గంట సేపు ప్రకృతిలో గడపండి. దగ్గర్లో ఉన్న పార్క్‌కి మీరొక్కరే వెళ్లండి.
12 రోజు:
మీకు ఆనందాన్నిచ్చే 5 విషయాలేంటో రాసుకోండి.
13 రోజు:
ఒక రోజంతా పంచదార, స్వీట్స్ తినకుండి. ఇలాగైనా మీ ఆరోగ్యం మీద దృష్టి పెడతారు.
14 రోజు:
ఆఫీసు డెస్క్ దగ్గరో, లేదా ఇంట్లో అయినా సరే భోజనం గబగబా కాకుండా కాస్త ప్రశాంతంగా తినండి.
15 రోజు:
ఫేషియల్, బాడీ మసాజ్, స్పా, హెయిర్ కట్ ఇలా ఏదో ఒకటి తప్పకుండా చేయించుకోండి.
16 రోజు:
మీ బట్టలు, నగలు చక్కగా సర్దుకోండి.
17 రోజు:
ఒక మంచి డ్రాయింగ్, పెయింటింగ్ వేయండి.
18 రోజు:
ఒక్కరే సోలో డేట్ కి వెళ్లండి. ఒక్కరే సినిమా చూసిరండి.
19 రోజు:
ఒక రోజు ఏ పనీ చేయకండి.
20 రోజు:
మీకు నచ్చిన పాటలు గట్టిగా పాడండి. లేదా ఎవరూ చూడట్లేదు అన్నట్టుగా డ్యాన్స్ చేయండి.
21 రోజు:
మీకిష్టమైన డ్రెస్ వేసుకోండి.
22 రోజు:
మీరు రోజూ తప్పకుండా చేయాలనుకుంటున్న 3 విషయాలు రాసుకోండి.
23 రోజు:
మీరెన్నో రోజులనుంచి తీర్చుకోలేని కోరిక ఏదైనా సాధ్యపడితే అది తీర్చేసుకోండి. దానికోసం కాస్త కష్టపడండి.
24 రోజు:
ఎవరికైనా సారీ, థ్యాంక్స్ చెప్పడం మిగిలిఉంటే చెప్పేయండి.
25 రోజు:
ఒక కొత్త మంచి అలవాటు ఏదైనా చేసుకోండి. చెడ్డ అలవాటుంటే మానేయండి.
26 రోజు:
యోగా, ధ్యానం చేయండి.
27 రోజు:
ఉదయాన్నే నిద్రలేవండి. రాత్రి తొందరగా పడుకోండి.
28 రోజు:
మీరు అధిగమించాల్సిన భయాలేంటో తెల్సుకోండి. అందులో కనీసం ఒకటి దాటడానికి ప్రయత్నించండి.
29 రోజు:
ఈ రోజు మొత్తం దేనికీ భయపడకుండా మీకు అనిపించిన పనులు మాత్రమే చేయండి.
30 రోజు:
మంచి స్వీట్ తిని ఈ లవ్ చాలెంజ్ ముగించండి. మరో ముప్పై రోజుల చాలెంజ్ కోసం సిద్ధం కండి.
