తెలంగాణ టెట్ 2025 దరఖాస్తుల స్వీకరణ పూర్తి అయింది. షెడ్యూల్ ప్రకారం… ఏప్రిల్ 30వ తేదీ నాటికి పూర్తి కాగా.. ఎలాంటి గడువు పొడిగించలేదు. అయితే దరఖాస్తు చేసుకున్న అభ్యర్థులకు విద్యాశాఖ అప్డేట్ ఇచ్చింది. అప్లికేషన్ ప్రాసెస్ లో ఏమైనా తప్పులు ఉంటే సవరించుకునేందుకు ఎడిట్ ఆప్షన్ ను తీసుకువచ్చింది. దీని ఆధారంగా ఏమైనా తప్పులు ఉంటే సవరించుకోవచ్చని పేర్కొంది.

టీజీ టెట్ అప్లికేషన్ 2025 – ఇలా ఎడిట్ చేసుకోండి…

1. తెలంగాణ టెట్ 2025కు అప్లయ్ చేసుకున్న అభ్యర్థులు tgtet.aptonline.in/tgtet/ వెబ్ సైట్ లోకి వెళ్లండి.
2. హోం పేజీలో ‘Edit Application’ అనే ఆప్షన్ కనిపిస్తుంది. దీనిపై క్లిక్ చేయాలి.
3. ఇక్కడ జర్నల్ నెంబర్, పుట్టిన తేదీ వివరాలను ఎంట్రీ చేసి సబ్మిట్ చేయాలి.
4. మీ అప్లికేషన్ ఓపెన్ అవుతుంది. మీ వివరాలను ఎడిట్ చేసుకోవచ్చు.
5. చివరగా సబ్మిట్ చేస్తే మీ అప్లికేషన్ ఎడిట్ పూర్తి అవుతుంది.
6. ప్రింట్ అప్లికేషన్ పై క్లిక్ చేసి మీ దరఖాస్తు ఫారమ్ ను పొందవచ్చు.

తెలంగాణ టెట్ 2025 కు మొత్తం 1 లక్షా 65 వేలకుపైగా దరఖాస్తులు అందాయి. గతేడాదితో పోల్చితే ఈసారి అభ్యర్థుల నుంచి పెద్దగా స్పందన కనిపించలేదు. గతేడాది రెండుసార్లు టెట్ పరీక్షలు నిర్వహించారు. చివరిసారిగా జరిగిన టెట్‌-2024 చివరి విడత పరీక్షకు 2,75,753 మంది అభ్యర్థులు దరఖాస్తు చేశారు. వారిలో 2,05,278 మంది పరీక్ష రాశారు.

తెలంగాణ టెట్ 2025 పరీక్ష మొత్తం 150 మార్కులకు ఉంటుంది. ఒక్కో ప్రశ్నకు ఒక్క మార్కు ఉంటుంది. అయితే ఇందులో జనరల్‌ కేటగిరీలో ఉన్న అభ్యర్థులు 90 మార్కులు సాధించాల్సి ఉంటుంది. ఇక బీసీ అభ్యర్థులకు 75 మార్కులు రావాలి. ఎస్‌సీ, ఎస్‌టీ, దివ్యాంగ అభ్యర్థులకు 60 మార్కులు సాధిస్తే టెట్ అర్హత సాధించినట్లు అవుతుంది.

జూన్ 15 నుంచి టెట్ పరీక్షలు

దరఖాస్తు చేసుకున్న అభ్యర్థులు మే 9వ తేదీ నుంచి టెట్ హాల్ టికెట్లను డౌన్లోడ్ చేసుకోవచ్చు. జూన్ 15 నుంచి తెలంగాణ టెట్ 2025 పరీక్షలు ప్రారంభమవుతాయి. జూన్ 30వ తేదీతో ముగుస్తాయి. ఉదయం 9 గంటల నుంచి 11.30 గంటల వరకు మొదటి సెషన్, మధ్యాహ్నం 2 గంటల నుంచి సాయంత్రం 04.30 గంటల వరకు రెండో సెషన్ జరుగుతుంది. ప్రాథమిక కీలను ప్రకటించిన తర్వాత…. జూలై 22వ తేదీన టెట్‌ ఫలితాలను వెల్లడిస్తారు.

ఈ లింక్ పై క్లిక్ చేసి తెలంగాణ టెట్ – 2025 అప్లికేషన్ ను ఎడిట్ చేసుకోవచ్చు….