గుండె నిండా గుడి గంటలు సీరియల్‌ ఈరోజు ఎపిసోడ్‌లో మనోజ్ జాబ్ గురించి ఇంట్లో డిస్కషన్ జరుగుతుంది. సత్యం దగ్గితే.. ఇంకా దగ్గు తగ్గనట్టుంది. మంచి నీళ్లు ఇవ్వమంటారా అని మీనా అంటే.. వద్దు. మీ అత్తయ్య గొంతులో పచ్చి వెలక్కాయ పడినట్లు ఉంది. తనకు ఇవ్వు అని సత్యం అంటాడు. దాంతో మీనా నవ్వుతుంది.

తెగ నవ్విన సత్యం

విన్నావా పార్లరమ్మా రూ. 14 లక్షలు అంట. ఈ తల్లీకొడుకులు మలేషియా మీద పడతారేమో జాగ్రత్త అని బాలు అంటాడు. దాంతో రోహిణి వెళ్లిపోతుంది. సత్యం తెగ నవ్వుతాడు. ఎన్నడు లేనిది ఇంత నవ్వుతున్నారేంటీ అని బాలు అంటాడు. నవ్వు ఆపుకోవడం నా వల్ల కావట్లేదురా. ఇంతలో ఈ తల్లీకొడుకులు ఎంతలో ఎంత పెద్ద సినిమా చూపించేసార్రా అని సత్యం అంటాడు. బాలు ప్రేమగా చూస్తూ ఇలాగే నవ్వుతుండాలని అంటాడు.

ప్రభావతి మీద కౌంటర్స్ వేస్తాడు బాలు. సత్యం, బాలు, మీనా నవ్వుతారు. మనోజ్, ప్రభావతి అవమానంగా ఫీల్ అవుతారు. మరోవైపు రవి దగ్గరికి శ్రుతి తల్లి వెళ్తుంది. నువ్ చేసింది బాగోలేదు. మీ బాగు కోసమేగా ఆలోచిస్తున్నాం. దాన్నెందుకు తప్పు పడుతున్నారు. మీకు గ్యాప్ రావాలని ఎందుకు చూస్తాం. మీరు విడిపోతే మాకేం వస్తుంది చెప్పు అని అంటుంది.

ఇక్కడ వద్దు. మా ఇంటికి రండి అక్కడ మాట్లాడుకుందాం. ఇక్కడ వద్దు అని రవి అంటాడు. మీకు కావాలంటే ఇంతకంటే మంచి రెస్టారెంట్ పెట్టిస్తాం. మీ ఇద్దరి గురించి మేము చాలా ప్లాన్ చేసుకున్నాం అని శ్రుతి తల్లి అంటుంది. అర్థం చేసుకోండి. ఇది కరెక్ట్ ప్లేస్ కాదు అని రవి అంటాడు. నువ్వే అర్థం చేసుకోవట్లేదు మిమ్మల్ని. మా ఆశ అంతా మీ ఇద్దరు సంతోషంగా ఉండాలనే అవమానించాలని కాదు అని తల్లి అంటుంది.

అత్తపై కోప్పడిన రవి

ఇంతలో వెయిటర్ వచ్చి కస్టమర్ వెయిట్ చేస్తున్నారని చెబితే అతనిపై శ్రుతి తల్లి శోభన కోప్పడుతుంది. దాంతో వెయిటర్‌ను రవి పంపించేస్తాడు. ఇక రవి ఎంత చెప్పిన శ్రుతి తల్లి సొంత కొడుకులా చూస్తున్నాం అంటూ నిలదీస్తూనే ఉంటుంది. దాంతో కోపంగా నేనేం అర్థం చేసుకోవాల్సిన అవసరం లేదు. ముందు ఇక్కడి నుంచి వెళ్లండి అని రవి అంటాడు. దాంతో శోభన షాక్ అవుతుంది.

ఇలా మాట్లాడుతావేంటీ అని శోభన అంటుంటే కర్రీ మాడిపోతుందని వెయిటర్ వచ్చి చెబుతాడు. దాంతో రవి వెళ్లిపోతుంటే.. శోభన ఆపి నా కూతురు జీవితం కంటే ఎక్కువ కాదు కదా. తను టూర్‌కు వెళ్లాలని ఆశపడుతుంది. మీకు అర్థం కావట్లేదా అని శోభన అంటుంది. తనకు అంతగా వెళ్లాలనిపిస్తే ఒక్కదాన్నే వెళ్లమనండి. వెళ్లండి అని రవి వెళ్లిపోతాడు. తర్వాత ఎవరావిడా. ఎందుకలా అరుస్తుంది అని మేనేజర్ రవిని అడుగుతాడు.

ఆవిడ మా వైఫ్ వాళ్ల అమ్మ. అత్తయ్య అని రవి అంటాడు. ఏదైనా ఉంటే ఇంట్లో చూసుకోండి. ఇలాంటివి జరిగితే జాబ్‌లో నుంచి తీసేయాల్సి ఉంటుందని మేనేజర్ వార్నింగ్ ఇస్తాడు. మరోవైపు రోహిణిని వెళ్లి 14 లక్షలు కడితే మనోజ్‌కు జాబ్ వస్తుందని ప్రభావతి అంటే.. డబ్బు కట్టకుండా తెచ్చుకుంటేనే విలువ ఉంటుంది. అదేదో ఇక్కడ చేసుకుంటే బాగుంటుంది కదా రోహిణి అంటుంది.

14 లక్షలు చిల్లరే కదమ్మా

నేను అదే అంటున్నానమ్మా. అన్ని డబ్బులు కట్టి అక్కడికెక్కడికో వెళ్లేకంటే ఇక్కడే వ్యాపారం చేసుకుంటే బాగుంటుంది కదా. డబ్బులకు నువ్వున్నావ్ కదా. మనోజ్‌కు ఏదైనా కావాలంటే నువ్ అడగవా. మీ నాన్న పంపించరా. 14 లక్షలు అంటే మీ నాన్న దృష్టిలో చిల్లరే కదమ్మా. క్షణాల్లో పంపిస్తారు. ఎలాగు వ్యాపారం పెట్టాలనుకుంటున్నాం కాబట్టి ఇంకాస్తా ఎక్కువ అడుగుదాం అని ప్రభావతి అంటుంది.

మనోజ్ దగ్గర బిజినెస్ ప్లాన్స్ చాలా ఉన్నాయి. కానీ, పెట్టుబడే లేదు. లేకపోతే ఎక్కడికి వెళ్లిపోయేవాడు. మీ నాన్నతో మాట్లాడు అని ప్రభావతి వెళ్లిపోతుంది. నేనేమైనా ఏటీఎమ్ మిషనా. నన్నే డబ్బు అడుగుతారు. ఈ డబ్బు కోసం ఏం చేయాలని రోహిణి అనుకుంటుంది. మరోవైపు శ్రుతిని డిస్టర్బ్ చేసి కోప్పడతాడు రవి. నీ వల్ల నా జాబే పోయేలా ఉంది. మళ్లీ మీ అమ్మను రెస్టారెంట్ దగ్గరికి ఎందుకు పంపించావ్ అని అడుగుతాడు.

రెస్టారెంట్‌కు పంపించి నన్ను బ్లాక్ మెయిల్ చేసి టూర్‌కు వచ్చేలా చేద్దామనుకుంటున్నావా అని రవి అంటే.. మా మమ్మీకి ఆ అవసరం లేదు అని శ్రుతి అంటుంది. రెస్టారెంట్‌కు శోభనం రావడం, కర్రీ మాడిపోవడం, ఓనర్ తిట్టడం చెబుతాడు రవి. మన జీవితమే మాడిపోయేలా ఉంది. దానికేం చేయమంటావ్ అని శ్రుతి అంటుంది. రెస్టారెంట్‌కు మీ మమ్మీని పంపి ఎందుకు ఇన్సల్ట్ చేశావ్. మీ అమ్మకు సెన్స్ లేదా అని రవి అంటాడు.

శ్రుతికి వార్నింగ్

మా మమ్మీ వాళ్లు ఇచ్చిన కూపన్స్‌తో ట్రిప్‌కు వెళ్లే ఏంటీ. ఎందుకుంత ఇగో నీకు అని శ్రుతి అంటుంది. ఇగో కాదు సెల్ఫ్ రెస్పెక్ట్. వర్క్ మీద బాధ్యత. అలా ఉంటేనే ఫ్యూచర్ బాగుంటుంది. నీ పేరంట్స్ మన జీవితాల్లో ఇంటర్‌ఫియర్ అయితే బాగుండదు. ఇంకోసారి అయితే నేను గట్టిగా చెప్పాల్సి ఉంటుంది అని శ్రుతికి వార్నింగ్ ఇచ్చి రవి వెళ్లిపోతాడు. మరోవైపు సంజు కోసం మౌనిక తినకుండా ఎదురుచూస్తుంటే అత్త వచ్చి వాడికి లేట్ అవుతుంది తినమని చెబుతుంది.

ఎంత చెప్పిన అత్త వినకపోయసరికి మౌనిక తింటుంది. ఇంతలో సంజు తాగి తూలుతూ వస్తాడు. మౌనిక భోజనం చేయడం చూసి విజిల్స్ వేస్తాడు. మొగుడు తిన్న తర్వాత తినాలని ఆనవాయితీ ఉంటుంది. అలాంటిదేం లేకుండా తింటున్నావా. సారీ మౌనిక డిస్టర్బ్ చేశావా. తిను అని అన్నీ వడ్డిస్తాడు సంజు. మొగుడు ఆకలి నీకు అవసరం లేదు. ఇదేనా పుట్టింట్లో నేర్చుకుంది అని సంజు అంటాడు.

మొగుడుని పస్తులు ఉంచి చంపమని పంపించారా అని సంజు అంటాడు. ఇంతలో తల్లి వచ్చి తనే తినమన్నట్లు చెబుతుంది. కానీ, దానికి ఇంగిత జ్ఞానం ఉండాలిగా. నువ్ తిన్నావా అని సంజు అంటే లేదని తల్లి చెబుతుంది. ఉత్తమ భార్య లక్షణాలు అంటే ఇవి.. మరి నీవి చెత్త భార్య లక్షణాలు అని సంజు అంటాడు. అందులో తన తప్పేం లేదు అని సంజుకు వడ్డించమని మౌనికకు చెబుతుంది అత్తయ్య.

చూస్తేనే తినాలనిపించట్లేదు

మౌనిక వడ్డిస్తుంటే లేస్తాడు సంజు. అది ఏడుస్తూ వడ్డిస్తుంది. అది చూస్తేనే తినాలనిపించట్లేదు. ఇంటికి రావాలంటేనే నాకు చాలా చిరాకుగా ఉంటుందని అన్ని ఎత్తేసి వెళ్లిపోతాడు సంజు. బాధపడకమ్మా. నువ్వు ఎదురుచూస్తుంటే నేనే వచ్చి చెప్పి తొందరపెట్టి తప్పు చేశాను. వాడు వస్తానడుకోలేదు. రోజు రోజు మృగంలా తయారవుతున్నాడు అని అత్త అంటాడు.

ఇదంతా మా అన్నయ్య మీద కోపం. ఆ దేవుడు ఎంతకాలం పరీక్షిస్తాడో అని మౌనిక అంటుంది. మరుసటి రోజు ఎండగా ఉంది ఆటో ఆపు అని తన ఫ్రెండ్‌కు రోహిణి చెబుతుంది. ఇంతలో బాలు ఆటో వేసుకుని వస్తాడు. అది చూసి రోహిణి షాక్ అవుతాడు. బాలు కూడా అవాక్కవుతాడు. రోహిణి ఏం మాట్లాడకుండా ఆటో ఎక్కుతుంది. ఎప్పుడు వీళ్లు దొరికేవారు. ఇప్పుడు నేను దొరికాను. ఏంటో అని బాలు అనుకుంటాడు.

ఇదేంటీ, మరి అదేమైంది అని రోహిణి అంటుంది. ఆటో.. ఇది ఉంటే అది లేనట్లు. నేను డ్రైవర్, మీరు కస్టమర్. ఇంతకన్నా డీటేల్స్ ఎందుకు అని బాలు అంటాడు. ఇది ఎప్పటి నుంచి అని రోహిణి అంటే ఇప్పటి నుంచే అని బాలు అంటాడు. ఇవాళ్టీ నుంచా అని రోహిణి అంటుంది. వాళ్లిద్దరు మాట్లాడుకునేది రోహిణి పార్లర్ ఫ్రెండ్‌కు అర్థం కాదు. ఇతను మీకు తెలుసా అని రోహిణిని అడిగితే తెలియదని చెబుతుంది.

నా పని అయిపోతుంది

ఎంత తీసుకుంటావ్ అని ఫ్రెండ్ అంటే రెండు వందలు అని బాలు అంటాడు. దాంతో ఆమె బేరం ఆడుతుంది. చిరాకు తెప్పించకు. నాకు మైండ్ బ్లాక్ అయిందని ఫ్రెండ్‌తో రోహిణి అంటుంది. ఎందుకు, ఎప్పటి నుంచి అని ఫ్రెండ్ అంటుంది. ఆటో ఎక్కినప్పటి నుంచి అని రోహిణి అంటుంది. ఈ పార్లరమ్మా ఇంట్లో చెబితే నా పని అయిపోతుంది. నాన్నకు నా మొహం చూపించలేను. ఎలాగోలా మ్యానేజ్ చేయాలి అని బాలు అనుకుంటాడు.

రాజేష్‌కు కాల్ చేసి నా కారు వెంకటేష్ తీసుకెళ్లాడు. తీసుకొచ్చాడా అని బాలు అంటే నీ కారు అమ్మేశావ్ కదరా అని రాజేష్ అంటాడు. నిజమే. వెంకటేష్ గాడు పర్సనల్ ట్రిప్ కోసం రెండు కార్లు కావాలని, ఒకటి నాది ఒకటి అప్పల్రాజు గాడిది తీసుకెళ్లాడు. వాడి చెల్లి పెళ్లి ఉందటా. అందుకే తీసుకెళ్లాడు. వాడు నా కారు తీసుకెళ్లి వాడి తమ్ముడి ఆటో నాకు ఇచ్చాడురా. చూసేవాళ్లు నేను కారు కాకుండా ఆటో నడుపుకుంటున్నా అనుకుంటున్నారు అని బాలు అంటాడు.

అలా తెలివిగా బాలు రోహిణి నుంచి తప్పించుకుంటాడు. తర్వాత ఆటో నడుపుతున్న బాలును మీనా చూసి ఈయన కారు ఏమైంది. ఆటో ఎందుకు నడుపుతున్నారు అని మీనా అనుమానపడుతుంది. ఇంట్లో బోనులో బాలును నిందితుడిలా నిల్చోబెట్టి కారు ఎవ్వరికి చెప్పకుండా అమ్మేశాడు. ఆ డబ్బు గుట్టు చప్పుడు కాకుండా దాచేశాడు అని ప్రభావతి అంటుంది.

బోనులో నిందితుడులా బాలు

ఇంటి పత్రాలు తాకట్టు పెట్టి కారు కొనిస్తే ఎలా అమ్మేస్తాడు అని రోహిణి అంటుంది. నిజం చెప్పురా కారు అమ్మేశావా అని సత్యం అంటాడు. తప్పలేదు నాన్నా అని బాలు అంటాడు. కారణం చెప్పురా అని లాయర్‌లా ప్రభావతి ప్రశ్నలు వేస్తూ నిలదీస్తుంది. ముద్దాయిలా సైలెంట్‌గా బోనులో బాలు నిల్చుంటాడు. అక్కడితో నేటి గుండె నిండా గుడి గంటలు సీరియల్ ఎపిసోడ్ ముగుస్తుంది.