మరి కొద్ది రోజుల్లో వేసవి సెలవులు ముగియబోతున్నాయి.అయితే పిల్లలు అన్ని ఆహార పదార్థాలను తినాలని అనుకునే రోజులివి.దుకాణాలకు వెళితే ఎక్కువ ఖర్చవుతుంది.ఆ ఆహారాలు కూడా సరిగా తయారు చేయలేవు.కాబట్టి ఇంట్లోనే రుచికరమైన, వివిధ రకాల స్నాక్స్ తయారుచేసుకోవాలి.బెస్ట్ ఛాయిస్ కప్ కేక్స్.ఈ రోజు ఇంట్లో ప్రెజర్ కుక్కర్ లో కప్ కేక్స్ ఎలా తయారు చేయాలో చూద్దాం.

కప్ కేక్ రెసిపీకి కావాల్సిన పదార్థాలు

బేకింగ్ పౌడర్ – అర టీస్పూన్

బేకింగ్ సోడా – పావు స్పూను

కోకో పొడి – పావు కప్పు

ఉప్పు – చిటికెడు

పంచదార పొడి – పావు కప్పు

నూనె – పావు కప్పు

పాలు – ఒక కప్పు

వెనీలా ఎసెన్స్ – రెండు చుక్కలు

చాక్లెట్ చిప్స్ – గుప్పెడు

బటర్ – పావు కప్పు

కప్ కేక్ రెసిపీ

1. ఒక మిక్సింగ్ బౌల్ లో కోకో పౌడర్, బేకింగ్ పౌడర్, ఉప్పు బాగా కలిపి పక్కన పెట్టుకోండి.
2. ఇప్పుడు మరో గిన్నెలో పంచదార, నూనె, మరిగించిన పాలు, వెనీలా ఎసెన్స్ వేసి బాగా కలపాలి. ఈ మిశ్రమంలో చాక్లెట్ ముక్కలు వేయాలి.

3. ఇప్పుడు ఆ పిండిని కప్ కేక్ మౌల్డ్ లో పోసి కేక్ టిన్ లో ఉంచి కుక్కర్ లో పెట్టాలి. కుక్కర్ విజిల్, రబ్బర్ పెట్టకుండా పెట్టాలి.

4. మీడియం మంట మీద 45 నిమిషాలు ఉడికించాలి.

5. బటర్ క్రీమ్ ఫ్రోస్టింగ్ చేయడానికి ఐసింగ్ షుగర్, ఉప్పు లేని వెన్న, వెనీలా ఎసెన్స్, మరిగించిన పాలు, కోకో పౌడర్ వేసి బాగా కలపాలి.

6. పైపింగ్ బ్యాగ్ లో క్రీమ్ వేయాలి. కప్ కేక్ చల్లారిన తర్వాత మౌల్డ్ నుంచి తీసి ప్లేట్ లో ఉంచాలి. దానిపై క్రీమ్ తో గార్నిష్ చేయండి. చివరగా తురిమిన చాక్లెట్ చల్లి సర్వ్ చేయాలి. కుక్కర్ కప్ కేక్ రెడీ.

ఇది చాలా రుచిగా ఉంటుంది. కప్ కేకులు ఒక్కసారి తిన్నారంటే పిల్లలకు మళ్లీ మళ్లీ కావాలంటారు. ఇంట్లో ఓవెన్ లేకపోయినా స్టవ్ మీద ప్రెజర్ కుక్కర్ పెట్టి పైన చెప్పినట్టు వండేయండి.