ఓటీటీలో యాంకర్ ప్రదీప్ నటించిన మూవీ అక్కడ అమ్మాయి ఇక్కడ అబ్బాయి స్ట్రీమింగ్ లో మరో రికార్డును క్రియేట్ చేసింది. థియేటర్లలో రిలీజైన తర్వాత నెల రోజుల్లోపే ఓటీటీలోకి అడుగుపెట్టిన ఈ సినిమా.. బాక్సాఫీస్ దగ్గర ఫెయిలైనా డిజిటల్ ప్లాట్‌ఫామ్ పై మాత్రం అదరగొడుతోంది. ప్రస్తుతం ఈ మూవీ ఈటీవీ విన్ ఓటీటీలో స్ట్రీమింగ్ అవుతోంది.

అక్కడ అమ్మాయి ఇక్కడ అబ్బాయి ఓటీటీ స్ట్రీమింగ్

యాంకర్ ప్రదీప్ మాచిరాజు లీడ్ రోల్లో నటించిన మూవీ అక్కడ అమ్మాయి ఇక్కడ అబ్బాయి. ఈ సినిమా ఏప్రిల్ 11న థియేటర్లలో రిలీజ్ కాగా.. మే 8 నుంచి ఈటీవీ విన్ ఓటీటీలోకి వచ్చింది. తాజాగా ఈ మూవీ 100 మిలియన్ల స్ట్రీమింగ్ మినట్స్ రికార్డును అందుకుంది.

ఇప్పటికీ మంచి వ్యూసే సొంతం చేసుకుంటోంది. ఇదే ఈటీవీ విన్ ఓటీటీలో స్ట్రీమింగ్ అవుతోన్న అనగనగా, క మూవీస్ తో పోలిస్తే ఈ సినిమా చాలా నిదానంగానే ఈ మైలురాయి అందుకున్నా.. ఓటీటీలో మూవీకి వస్తున్న ఆదరణ మాత్రం బాగుందనే చెప్పాలి.

అక్కడ అమ్మాయి ఇక్కడ అబ్బాయి మూవీ గురించి..

బుల్లితెరపై యాంకర్స్‌గా మంచి పేరు తెచ్చుకున్న ప్రదీప్ మాచిరాజు, దీపిక పిల్లి కలిసి నటించిన మూవీ ఈ అక్కడ అమ్మాయి ఇక్కడ అబ్బాయి. జబర్దస్త్ డైరెక్టర్స్ నితిన్, భరత్ దర్శకత్వం వహించారు. సినిమా అంతా తమిళనాడు, ఆంధ్ర సరిహద్దులో పుట్టిన ఏకైక అమ్మాయి రాజా చుట్టూ తిరుగుతుంది. 60 మందికి ఒక్కరే అమ్మాయి అనే కాన్సెప్ట్, పెళ్లి చేసుకున్న వారే ప్రెసిడెంట్ అవడం వంటివి ఇంట్రెస్టింగ్‌గా ఉన్నాయి.

ప్రదీప్ మాచిరాజు ఇందులో కృష్ణ పాత్రలో ఆకట్టుకున్నాడు. “పక్కవాడు ఎలా పోతే నాకేం” అనుకునే ఒక టిపికల్ మైండ్‌సెట్ ఉన్న కుర్రాడిగా ఇమిడిపోయాడు. రాజా పాత్రలో హీరోయిన్ దీపిక పిల్లి సెట్ అయింది. వీరిద్దరి కాంబినేషన్ స్క్రీన్ మీద బాగుంది. సత్య, గెటప్ శ్రీను కామెడీ టైమింగ్ అలరిస్తుంది. వీరిద్దరి ట్రాక్ బాగానే ప్లస్ అయింది. పెద్దగా ఎలాంటి ట్విస్టులు లేకుండా సాఫీగా కామెడీతో నవ్వించే మూవీ ఇది. ఇప్పటి వరకూ చూసి ఉండకపోతే వెంటనే ఈటీవీ విన్ ఓటీటీలో చూసేయండి.