సింగర్, రాపర్ బాద్షా మరోసారి వార్తల్లో నిలిచాడు. కానీ అతను కొత్త సాంగ్ గురించి ఏం కాదు. బాద్షా వివాదాస్పద కామెంట్ చేశాడు. గ్లోబల్ పాప్ స్టార్ దువా లిపా గురించి అసభ్యకరమైన వ్యాఖ్యలు చేశాడు. పాట కాదు కానీ పిల్లలను కంటా అని అతను పేర్కొనడం వివాదానికి దారితీసింది. దీనిపై నెటిజన్లు తీవ్రంగా మండిపడుతున్నారు. ఇలాంటి మాటలు ఎలా మాట్లాడతారంటూ ఫైర్ అవుతున్నారు.

ఆ కామెంట్

బాద్షా ఎక్స్ (గతంలో ట్విట్టర్)లో “దువా లిపా ❤️” అని రాసి, శుక్రవారం (జూన్ 6) పోస్టు చేశాడు. దీనికి ఓ నెటిజన్ కామెంట్ చేశాడు. ‘‘భాయ్.. మీరు ఆమెతో కలిసి ఓ ట్రాక్ (సాంగ్) చేస్తున్నారా?’’ అని ప్రశ్నించాడు. దీనికి సమాధానంగా బాద్షా చేసిన కామెంట్ ఇప్పుడు కాంట్రవర్సీకి దారితీసింది. దీనికి బాద్షా బదులిస్తూ.. “నేను ఆమెతో పిల్లల్ని కనడానికి ఇష్టపడతాను బ్రో” అని కామెంట్ చేశాడు. దీనిపై నెటిజన్లు తీవ్రంగా ఫైర్ అవుతున్నారు.

ఈ జోక్ ఏంటి?

అతని ట్వీట్లను ఓ రెడ్డిట్ యూజర్ షేర్ చేస్తూ.. “బాద్షా సర్, యే కైసీ దువా?” అని రాశాడు. మరొకరు వ్యాఖ్యానిస్తూ “ఈ ‘పిల్లల్ని కనండి’ జోక్ ఏమిటి? మీరు అలా ఎలా చెప్పగలరు, మీ గురించి మీరు అసహ్యించుకోకుండా స్నానం చేయాలనుకుంటున్నారు!” అని పేర్కొన్నాడు. ఎంత వెర్రివాడు, ఇండియన్ కాన్యే వెస్ట్, ఇది అసహ్యంగా ఉంది, ఇది టూ మచ్ అంటూ నెటిజన్లు సోషల్ మీడియాలో కామెంట్లు చేస్తున్నారు.

బరువు తగ్గి

బాద్షా ఇటీవల తన బరువు తగ్గడంతో అందరి దృష్టిని ఆకర్షించాడు. కొంతమంది అతని కొత్త రూపాన్ని మెచ్చుకున్నారు. మరికొందరు అతనిని ఏపీ ధిల్లాన్తో పోల్చారు. 2022లో శిల్పా శెట్టి కుంద్రా షోలో పాల్గొన్నప్పుడు అతను తన బరువు తగ్గడం గురించి మాట్లాడాడు. “బరువు తగ్గడానికి నాకు చాలా కారణాలు ఉన్నాయి. లాక్డౌన్ సమయంలో మేము ఎలాంటి షోలు చేయలేదు, లైవ్ పెర్ఫార్మెన్స్ తిరిగి ప్రారంభమైనప్పుడు, నాకు శక్తి లేదని గ్రహించా. నేను స్టేజ్ పై ప్రదర్శన చేస్తున్నప్పుడు 120 నిమిషాలు లేదా అంతకంటే ఎక్కువసేపు చురుకుగా ఉండాలి. నేను కేవలం 15 నిమిషాల్లోనే ఆయాసం పడటం ప్రారంభించా’’ అని బాద్షా తెలిపాడు.

బాద్షా ఇప్పుడు అమెరికాలో తన ది అన్-ఫినిష్డ్ టూర్ కోసం సిద్ధమవుతున్నాడు. ఈ పర్యటన సెప్టెంబర్ 5న వర్జీనియాలో ప్రారంభమవుతుంది. తరువాత న్యూజెర్సీ, బే ఏరియా, సియాటెల్, డల్లాస్లో ప్రదర్శనలు ఉంటాయి. సెప్టెంబర్ 20న చికాగోలోని నౌ ఎరీనాలో టూర్ ముగుస్తుంది.