అమెరికాలో ఓ యువతిని దారుణంగా హత్య చేసి, ఆమె రొమ్ములను ‘ట్రోఫీ’గా దాచుకున్న ఒక వ్యక్తి తాజాగా దోషిగా తేలాడు. అతని ఫోన్​లో కనిపించిన ఫొటోలు చూసి కోర్టులో ఉన్న వారు షాక్​ అయ్యారు. చాలా మంది కన్నీళ్లు పెట్టుకున్నారు.

అసలేం జరిగింది?

అమెరికా విస్కాన్సిన్​లో 2024 ఏప్రిల్​లో జరిగింది ఈ ఘటన. 34ఏళ్ల మ్యాక్స్​వెల్​ ఆండర్సన్​కు 19ఏళ్ల సాడె కర్లీనా రాబిన్​సన్​తో​ పరిచయం ఏర్పడింది. తొలిసారి వారిద్దరు డేట్​కి వెళ్లారు. రెస్టారెంట్​లో కొంత సమయం గడిపారు. ఆ తర్వాత ఆండర్సన్​, ఆ యువతిని.. మిల్వాకీలోని తన ఇంటికి ఆహ్వానించాడు. ఆమె అతని ఇంటికి వెళ్లింది.

కానీ ఆ మరుసటి రోజు నుంచి ఆమె ఎవరికి కనిపించలేదు!

ఆ యువతి పిజ్జా స్టోర్​లో పనిచేస్తూ, క్రిమినల్​ జస్టిస్​ చదువుకుంటోంది. మరుసటి రోజు ఆమె పనికి రాకపోవడంతో అనుమానం వచ్చి సంబంధిత వర్గాలు మిస్సంగ్​ కేసు పెట్టాయి. పోలీసులు దర్యాప్తు చేపట్టి, యువతి ఇంటిని తనిఖీ చేశారు. ఆమె కనిపించలేదు.

కొన్ని రోజుల తర్వాత పోలీసులకు ఒక ప్రదేశంలో ఒక కాలు కనిపించింది. ఆ తర్వాత నగరం వ్యాప్తంగా మనిషి చర్మం, పాదాలు సహా ఇతర అవయవాలు కనిపించాయి. వాటిని పరీక్షించగా.. రాబిన్​సన్​ డీఎన్​ఏతో అవి మ్యాచ్​ అయ్యాయి.

దర్యాప్తును వేగవంతం చేసిన పోలీసులు నిందితుడిని ట్రాక్​ చేశారు. చివరికి ఆండర్సన్​ని అరెస్ట్​ చేశారు. అతని ఫోన్​లో పలు షాకింగ్​ ఫొటోలు కీలక ఆధారాలుగా మారాయి.

ఈ కేసులో ఇటీవలే కోర్టు విచారణ జరిగింది. ఆండర్సన్​ ఫోన్​లోని ఫొటోలను జ్యూరీకి డిస్​ప్లే చేశారు. కొన్ని ఫొటోల్లో అతను.. కట్​ చేసి ఉన్న రాబిన్​సన్​ రొమ్ములను పట్టుకుని కనిపించాడు. రొమ్ములను అతను తన ట్రోఫీగా దాచుకున్నాడు.

ఫోన్​లో ఉన్న ఫొటోలు కోర్టురూమ్​లోని వారిని షేక్​ చేసేశాయి. కొందరు కన్నీళ్లు కూడా పెట్టుకున్నారు.

“హత్య జరిగిన రోజు రాత్రి.. నిందితుడు- బాధితురాలు కలిసి లవ్​, డెత్​ అండ్​ రోబోట్స్​ అనే నెట్​ఫ్లిక్స్​ డాక్యుమెంటరీ చూశారు. ఈ సిరీస్​లోని ఒక ఎపిసోడ్​లో మృతదేహన్ని ముక్కలు, ముక్కలు చేస్తారు. అవి బీచ్​లో కనిపిస్తాయి,” అని అధికారులు జ్యూరీకి వివరించారు.

అంతేకాదు, ఆండర్సన్​ ఇంటి కింద భాగంలో “సె* రూమ్​”ని కూడా పోలీసులు కనుగొన్నారు. హ్యాండ్​కఫ్​లు ఇతర అనుమానాస్పద వస్తువులు వాటిల్లో ఉన్నాయి.

ఈ హత్యను ఆండర్సన్​ నెలల పాటు ప్లాన్​ చేసినట్టు పోలీసులు అనుమానిస్తున్నారు.

కాగా.. యువతిని హత్య చేసిన తర్వాత ఆమె మృతదేహాన్ని, ఆమె కారులోనే పెట్టి మిచిగాన్​ చెరువుకు సమీపంలోని పార్కుకు వెళ్లాడు. అక్కడే మృతదేహాన్ని ముక్కలు ముక్కలు చేశాడు. కొన్ని అవయవాలను అక్కడ వదిలేశాడు. అనంతరం ఆమె కారుకు నిప్పంటించి, బస్సులో వెనక్కి వెళ్లిపోయాడు.

ఈ మొత్తం వివరాలను విన్న జ్యూరీకి తీర్పును ఇవ్వడానికి ఎక్కువ సమయం పట్టలేదు. ఈ కేసులో ఆండర్సన్​ దోషి అని తేల్చారు. ఆగస్ట్​ 15న ఆండర్సన్​ శిక్ష ఖరారవుతుంది.

కాగా.. ఆండర్సన్​ ఇలా ఎందుకు చేశాడు? అన్న విషయం తెలియరాలేదు.