అక్కినేని నాగార్జున, అమల దంపతుల కుమారుడు అఖిల్ అక్కినేని వివాహం ఆర్టిస్ట్, వ్యాపారవేత్త జైనాబ్ రవద్జీతో శుక్రవారం (జూన్ 6) హైదరాబాద్ లో అంగరంగ వైభవంగా జరిగింది. ఆ తర్వాత వీరి రిసెప్షన్ వేడుక ఘనంగా నిర్వహించారు. ఈ ఈవెంట్ కు పలువురు సన్నిహితులు, శ్రేయోభిలాషులు హాజరయ్యారు. ఆ రిసెప్షన్ లో అఖిల్ వదిన, నాగ చైతన్య భార్య శోభిత ధూళిపాళ స్పెషల్ అట్రాక్షన్ గా నిలిచారు. ఆమె ఫొటోలు తాజాగా వైరల్ అవుతున్నాయి.

చీర కట్టులో అందంగా

ఎర్ర చీరలో శోభిత ధూళిపాళ ట్రెడిషనల్ తో పాటు ట్రెండీగానూ కనిపించింది. ఆమె ఫొటోలు తాజాగా ఇన్ స్టాగ్రామ్ లో కనిపించాయి. రిసెప్షన్ లో శోభిత, నాగచైతన్య ఫొటోలను అన్నపూర్ణ స్టూడియోస్ అధికారిక ఇన్ స్టాగ్రామ్ పేజీలో షేర్ చేశారు. ఓ ఫొటోలో చైతన్య, శోభిత కలిసి పోజులిచ్చారు. రెండో ఫొటోలో కుటుంబమంతా కలిసి చిరునవ్వులు చిందిస్తూ, మధ్యలో నవ వధూవరులతో కనిపించారు. “అఖిల్, జైనాబ్ రిసెప్షన్ లో యువసామ్రాట్ అక్కినేని నాగ చైతన్య, శోభిత ధూళిపాళ గ్రేస్, ఛార్మ్, సొగసుతో కనిపించారు” అని క్యాప్షన్ ఇచ్చారు.

ఆ వెల్ కమ్

శోభిత తన ఇన్స్టాగ్రామ్ స్టోరీస్లో తన చీరకట్టుకు సంబంధించిన కొన్ని ఫోటోలను షేర్ చేసింది. కొన్ని రోజుల క్రితం నూతన వధూవరులను తమ కుటుంబంలోకి ఆహ్వానించడానికి వారి పక్కన నిలబడి ఉన్న కొత్త ఫోటోను శోభిత పోస్ట్ చేశారు. హ్యాపీ ఫ్యామిలీ పిక్చర్ లో నాగార్జున, అమల కూడా పక్కనే నిలిచారు. ‘కుటుంబానికి స్వాగతం డియర్ జెడ్ 🤍నూతన వధూవరులకు అభినందనలు’ అని క్యాప్షన్ ఇచ్చారు.

పెళ్లిలో ఇలా

పెళ్లి రోజు శోభిత క్రీమ్ కలర్ చీరలో, ఎరుపు రంగు ఫుల్ స్లీవ్ బ్లౌజ్ తో అదరగొట్టింది. అఖిల్, జైనబ్ ఫోటోలను కూడా నాగార్జున పోస్ట్ చేశారు. సంప్రదాయ తెలుగు స్టైల్లో జరిగిన ఈ పెళ్లిలో అఖిల్, జైనబ్ ఇద్దరూ మెరిసిపోయారు. ఈ సందర్భంగా అమల ఓ లేఖ రాస్తూ.. ‘ప్రేమ, నవ్వులు, ఆత్మీయుల సాంగత్యాన్ని పంచుకోవడంతో నాకు, నాగార్జునకు ఒక కల సాకారమైంది. వారు కలిసి ఈ కొత్త అధ్యాయాన్ని ప్రారంభిస్తున్నప్పుడు మీ ఆశీస్సులు మరియు శుభాకాంక్షలను కోరుతున్నాను. ప్రేమతో, కృతజ్ఞతతో అమల అక్కినేని” అని పేర్కొన్నారు.

అఖిల్, జైనాబ్ పెళ్లి వేడుకలకు చిరంజీవి, వెంకటేష్, రామ్ చరణ్, నాని, సూర్య, యశ్ తదితర సెలబ్రిటీలు అటెండ్ అయ్యారు.