తమిళ విలక్షణ నటుడు విజయ్ సేతుపతి లీడ్ రోల్లో నటించిన రొమాంటిక్ క్రైమ్ కామెడీ మూవీ ఏస్ (Ace). ఈ సినిమా గత నెల 23న థియేటర్లలో రిలీజ్ కాగా.. 20 రోజుల్లోనే ఓటీటీలోకి వచ్చేయడం విశేషం. శుక్రవారం (జూన్ 13) నుంచి ఈ సినిమా అమెజాన్ ప్రైమ్ వీడియోలో స్ట్రీమింగ్ అవుతోంది.

ఏస్ ఓటీటీ స్ట్రీమింగ్

విజయ్ సేతుపతి, రుక్మిణి వసంత్ లీడ్ రోల్స్ లో నటించిన సినిమా ఏస్. ఐఎండీబీలో 8.5 రేటింగ్ సాధించి ప్రేక్షకుల మెప్పు పొందినా బాక్సాఫీస్ దగ్గర బోల్తా కొట్టడంతో 20 రోజుల్లోనే ఓటీటీలోకి వచ్చేసింది. ప్రస్తుతం అమెజాన్ ప్రైమ్ వీడియోలో తమిళంతోపాటు తెలుగులోనూ స్ట్రీమింగ్ అవుతోంది.

రెండేళ్ల కిందటే మూవీ అనౌన్స్ చేసి గత నెల 23న థియేటర్లలో రిలీజ్ చేసినా ప్రేక్షకుల నుంచి పెద్దగా రెస్పాన్స్ రాలేదు. అయితే ఆశ్చర్యకంగా ఐఎండీబీలో మాత్రం మంచి రేటింగ్ సొంతం చేసుకుంది.

ఏస్ మూవీ గురించి..

విజయ్ సేతుపతి, రుక్మిణి వసంత్ లీడ్ రోల్స్ లో నటించిన రొమాంటిక్ క్రైమ్ కామెడీ మూవీ ఏస్. ఈ మూవీని ఆర్ముగ కుమార్ డైరెక్ట్ చేశాడు. అతడే సినిమాను కూడా నిర్మించాడు. విజయ్ కెరీర్లో 51వ సినిమాగా తెరకెక్కింది. ఈ సినిమాలో కన్నన్ అనే పాత్రలో విజయ్ నటించాడు.

తన గతాన్ని మరచిపోయి కొత్త జీవితం ప్రారంభించాలని అతడు మలేషియా వెళ్తాడు. అయితే తన గర్ల్‌ఫ్రెండ్ ఓ సమస్యలో చిక్కుకోవడంతో ఆమె కోసం అక్కడ ఓ దోపిడీ చేస్తాడు. ఈ క్రమంలో అతడు ఓ గ్యాంగ్‌స్టర్, గర్ల్‌ఫ్రెండ్ సవతి తండ్రి, పోలీస్ అధికారికి లక్ష్యంగా మారతాడు. వాళ్ల నుంచి అతడు తప్పించుకుంటాడా లేదా అన్నదే ఈ ఏస్ మూవీ స్టోరీ.

క్రైమ్, కామెడీ, రొమాన్స్ అన్నీ కలగలపిన సినిమా ఇది. అయితే ఎందులోనూ స్టోరీ సరిగా ముందుకు సాగకపోవడం ప్రేక్షకులకు చికాకు తెప్పిస్తుంది. దీనివల్లే ఈ మూవీ బాక్సాఫీస్ ఫెయిల్యూర్ గా నిలిచింది. అయితే ఎలాంటి ముందస్తు సమాచారం లేకుండా సైలెంట్ గా ప్రైమ్ వీడియోలోకి అడుగుపెట్టిన ఈ ఏస్ సినిమాకు ఓటీటీలో ఎలాంటి రెస్పాన్స్ వస్తుందో చూడాలి.