మధ్యప్రదేశ్ లోని ఒక అద్భుతమైన తాజ్ మహల్ తరహా ఇంటిని ప్రదర్శించే ఒక వీడియో ఒకటి ఇంటర్నెట్ లో వైరల్ గా మారింది. పూర్తిగా తాజ్ మహల్ శైలిలో దీనిని నిర్మించారు. ఆనంద్ ప్రకాశ్ చౌక్సే అనే వ్యక్తి ఈ నయా తాజ్ మహల్ ను నిర్మించి తన భార్యకు కానుకగా ఇచ్చాడు.

అవే డైమన్షన్స్ తో..

మధ్యప్రదేశ్ లోని బుర్హాన్పూర్ లో ఈ కొత్త తాజ్ మహల్ ఉంటుంది. స్థానికంగా ఒక పాఠశాలను నిర్వహించే ఆనంద్ ప్రకాశ్ చౌక్సే దీనిని నిర్మించాడు. తాను స్వయంగా స్థాపించిన పాఠశాల ప్రాంగణంలోనే ఇది ఉంది. ఇది 4 బీహెచ్ కే విల్లా తరహా ఇల్లు. దీనిని ఆగ్రాలో తాజ్ మహల్ ను నిర్మించిన మక్రానా పాలరాతితోనే నిర్మించారు. అయితే, పరిమాణం పరంగా, ఇది ఆగ్రా తాజ్ మహల్ కన్నా చిన్నది. ఆగ్రా తాజ్ మహల్ తో పోలిస్తే ఇది మూడింట ఒక వంతు మాత్రమే ఉంటుంది. కానీ, నాలుగు వైపులా పిల్లర్లు, డోమ్ అన్నీ ఒరిజినల్ ఆగ్రా తాజ్ మహల్ మాదిరిగానే ఉంటుంది. సొగసైన గుమ్మటాలు, క్లిష్టంగా చెక్కిన స్తంభాలు మరియు సుందరంగా వంచిన ద్వారాలను కలిగి ఉన్న ఈ ఇల్లు కాలాతీత ప్రేమకు మరియు మొఘల్ కాలం నాటి కళాఖండం యొక్క శాశ్వత వారసత్వానికి నివాళిగా నిలుస్తుంది.

ఇన్ స్టాలో వైరల్

ప్రేమకు అంకితమైన ఈ నయా తాజ్ మహల్ గురించి మొదట ఇన్స్టాగ్రామ్ యూజర్ ప్రియం సారస్వత్ షేర్ చేశారు. క్షణాల్లో ఇది వైరల్ వీడియో గా మారింది. ఆ ఇల్లు నిజంగా తమ నివాసమా, తాజ్ మహల్ ప్రతిరూపమా అని సారస్వత్ అడగడంతో ఆ వీడియో క్లిప్ మొదలవుతుంది. దానికి ఆ భార్యాభర్తలు చిరునవ్వుతో తమ నివాసమేనని ధృవీకరించారు. ఆ ఇంటిని చౌక్సీ తన భార్యకు అంకితం ఇచ్చారు.

అవే కొలతలు.. కానీ మూడింట ఒక వంతు

అసలు తాజ్ మహల్ లో ఉపయోగించిన మెటీరియల్ నే మక్రానా పాలరాతితో ఈ ఇంటిని నిర్మించారని వారు వివరిస్తున్నారు. అసలు తాజ్ మహల్ కొలతలను మీటర్లలో ఇక్కడ కాపీ కొట్టారని వారు చెబుతున్నారు. “ఇది మూడింట ఒక వంతు స్కేల్ వెర్షన్.” సరస్వత్ చెప్పారు. “ఈ అద్భుతమైన ఇల్లు మధ్యప్రదేశ్ లోని ఇండోర్ కు సమీపంలో ఉంది. ఈ వీడియోను 5.9 మిలియన్లకు పైగా వీక్షించి కామెంట్స్ విభాగంలో ప్రశంసల వర్షం కురిపిస్తున్నారు. ఒక యూజర్ “ఈ సంవత్సరం నేను చూసిన అత్యంత రొమాంటిక్ విషయం ఇది” అని రాశారు. “ఇది నాకు గూస్ బంప్స్ ఇచ్చింది” అని మరో యూజర్ కామెంట్ చేశాడు. ఇంకొకరు ‘ఇది కేవలం ఇల్లు మాత్రమే కాదు. ఇది పాలరాతిలో సజీవ కవిత అని అభివర్ణించారు.