తేజ, తన్మయి ఖుషి ప్రధాన పాత్రలు పోషించిన ‘23’ (ఇరవై మూడు) సినిమా మే 16వ తేదీన థియేటర్లలో విడుదలైంది. మూడు యథార్థ ఘటనల ఆధారంగా ఈ చిత్రం రూపొందింది. మల్లేశం, 7ఏఎం మెట్రో లాంటి హార్ట్ టచ్చింగ్ చిత్రాలతో మంచి పేరు తెచ్చుకున్న దర్శకుడు రాజ్ ఆర్ ఈ మూవీకి దర్శకత్వం వహించారు. థియేట్రికల్ రిలీజ్‍లో ఈ చిత్రం మిక్స్డ్ టాక్ దక్కించుకుంది. ఈ 23 సినిమా తాజాగా మూడు ఓటీటీల్లోకి అడుగుపెట్టింది.

స్ట్రీమింగ్ వివరాలు.. మూడు ఓటీటీల్లో

23 చిత్రం ఇదే వారంలో ఏకంగా మూడు ఓటీటీ ప్లాట్‍ఫామ్‍లోకి ఎంట్రీ ఇచ్చింది. అమెజాన్ ప్రైమ్ వీడియో, ఆహా, ఈటీవీ విన్ ఓటీటీల్లో ఈ స్ట్రీమింగ్‍కు వచ్చింది. ఎక్కువ మందికి అందుబాటులో ఉండేలా మూడు ఓటీటీల్లో ఈ చిత్రం అడుగుపెట్టింది.

మూడు ఘటనల ఆధారంగా..

23 సినిమా మూడు యథార్థ ఘటనల ఆధారంగా తెరకెక్కింది. చుండూరు ఊచకోత (1991), చిలకలూరి పేట బస్సు దగ్ధం (1993), జూబ్లిహిల్స్ కారు పేలుడు (1997) ఘటనల ఆధారంగా ఈ మూవీని దర్శకుడు రాజ్ రూపొందించారు. ఎక్కువగా 1993 బ్యాక్‍డ్రాప్‍లో సాగుతుంది. కులం, అధికారం, ఆధిపత్యం, అణచివేత, వివిధ వ్యవస్థలు లాంటి సామాజిక అంశాలు ఈ చిత్రంలో ప్రధానంగా ఉంటాయి.

పాజిటివ్ రెస్పాన్స్

ఓటీటీ స్ట్రీమింగ్ తర్వాత 23 చిత్రానికి ఎక్కువగా మంచి రెస్పాన్స్ వస్తోంది. ఓటీటీల్లో చూసిన కొందరు నెటిజన్లు సోషల్ మీడియాలో ఈ చిత్రం గురించి పోస్టులు చేస్తున్నారు. ఈ మూవీ ఎమోషనల్‍గా సాగిందని, ఆ ఘటనల దారుణ పరిస్థితులను చూపించిందని అంటున్నారు. సమాజంలోని అసమానతలను, రకరకాల సమస్యలను దర్శకుడు హార్డ్ హిట్టింగ్‍గా చూపించారని కామెంట్లు చేస్తున్నారు. మొత్తంగా స్ట్రీమింగ్ తర్వాత పాజిటివ్ స్పందనను ఈ మూవీ దక్కించుకుంటోంది.

23 సినిమాలో తేజ, తన్మయితో పాటు ఝాన్సీ, పవన్ రమేశ్, ప్రణీత్, తాగుబోతు రమేశ్ కీలకపాత్రలు పోషించారు. ఈ చిత్రానికి మార్క్ కే రాబిన్ సంగీతం అందించారు. ఈ సినిమాను వెంకట్ సిద్ధారెడ్డి నిర్మించారు. ఈ మూవీకి సన్నీ కూరపాటి సినిమాటోగ్రఫీ చేయగా.. అనిల్ ఆలయం ఎడిటింగ్ చేశారు.