ఓటీటీలోకి ప్రతి రోజు ఏదో ఒక సినిమా రావడం, వాటిలో కొన్ని ట్రెండింగ్‌లో దూసుకెళ్లడం సాధారణంగా జరిగే విషయమే. అయితే, మంచి కంటెంట్ ఉన్నప్పటికీ థియేటర్లలో ఆడియెన్స్ ఆదరణ నోచుకోని, బాక్సాఫీస్ వద్ద కమర్షియల్ హిట్ అందుకోని సినిమాలు ఎన్నో ఉన్నాయి.

థియేటర్లలో దక్కని రెస్పాన్స్

అలాంటి మూవీస్‌కు ఓటీటీలు మంచి ప్లాట్‌ఫామ్స్‌గా ఉంటున్నాయి. థియేటర్లలో దక్కని రెస్పాన్స్‌ను ఓటీటీల్లో సంపాదించుకుంటున్నాయి. అయితే, ఓటీటీ రిలీజ్, ఓటీటీ ట్రెండింగ్ ఇప్పుడు చాలా సాధారణమైనప్పటికీ అందరి దృష్టిని ఒక సినిమా ఆకర్షిస్తుందంటే ఏదో ఒక మంచి కారణం ఉండే ఉంటుంది.

మంచి సినిమాగా 23

అలా ఒక మంచి చిత్రంగా ఓటీటీలో దూసుకుపోతోన్న మూవీనే 23 (ఇరవై మూడు). ఏ ఏడాది థియేటర్లలో మే 16న థియేటర్లలో విడుదలైన 23 మంచి సినిమాగా పేరు తెచ్చుకుంది. మంచి కంటెంట్, కాన్సెప్ట్, సోషల్ డ్రామా, సామాజిక అవగాహన వంటి అంశాలు ఉన్నాయని ప్రశంసలు కురిశాయి.

ఐఎమ్‌డీబీ రేటింగ్

అంతేకాకుండా ఐఎమ్‌డీబీ నుంచి పదికి 7.5 రేటింగ్‌ను సంపాదించుకుంది 23 మూవీ. కానీ, ఊహించనంత స్థాయిలో కమర్షయిల్‌గా హిట్ కాలేకపోయింది. అయితే, రీసెంట్‌గా 23 ఓటీటీ స్ట్రీమింగ్‌కు వచ్చేసింది. అది కూడా ఏకంగా 3 ఓటీటీ ప్లాట్‌ఫామ్స్‌లలో 23 డిజిటల్ ప్రీమియర్ అవుతోంది.

ఓటీటీ ట్రెండింగ్‌లో 23

ఆహా, ఈటీవీ విన్, అమెజాన్ ప్రైమ్ మూడింట్లో 23 ఓటీటీ రిలీజ్ అయింది. ఇప్పుడు ఓటీటీ ట్రెండింగ్‌లో దూసుకుపోతోంది ఇరవై మూడు సినిమా. ఈటీవీ విన్, అమెజాన్ ప్రైమ్‌లో ట్రెండ్ అవుతూ మంచి రెస్పాన్స్ తెచ్చుకున్న 23 మూవీ ఆహాలో ఓటీటీ ట్రెండింగ్‌ సినిమాల్లో టాప్ 2 స్థానం దక్కించుకుంది.

పుట్టబోయే బిడ్డ కోసం

అంటే, ఆహా టాప్ 2 ఓటీటీ ట్రెండింగ్‌ సినిమాగా 23 సత్తా చాటుతోంది. దీన్ని ఒక మంచి చిత్రానికి దక్కిన గౌరవంగా మేకర్స్ భావిస్తున్నారు. తెలుగు క్రైమ్ డ్రామాగా తెరకెక్కిన 23 కథలోకి వెళితే.. పెళ్లి కాకుండానే తప్పు చేసి ప్రియురాలిని గర్భవతిని చేస్తాడు హీరో. పుట్టబోయే బిడ్డకు మంచి జీవితం అందించాలన్న ఉద్దేశంతో దొంగతనం చేసి డబ్బు సంపాదించాలనుకుంటాడు.

3 ఓటీటీల్లో

కానీ, హీరో చేసే ఆ దొంగతనం 23 మంది ప్రాణాలను బలి తీసుకుంటుంది. అది ఎలా జరిగింది? దొంగతనంతో 23 మంది మరణాలు ఎలా జరిగాయి? ఆ తర్వాత హీరో పరిస్థితి ఏమైంది? వంటి థ్రిల్లింగ్ ఎమోషనల్ సీన్లతో 23 తెరకెక్కింది. ఫీల్ గుడ్ ఎక్స్‌పీరియెన్స్ ఇచ్చే 23 మూవీని అమెజాన్ ప్రైమ్, ఈటీవీ విన్, ఆహా మూడు ఓటీటీల్లో ఎంచక్కా చూసేయండి.