నిన్ను కోరి సీరియల్ ఈరోజు ఎపిసోడ్‌లో విరాట్ ఇంటికి వచ్చి శాలినిని పిలుస్తాడు. దాంతో అంతా అక్కడికి వస్తారు. మీటింగ్ చేసింది నువ్వేనా అని విరాట్ అడిగితే నేనే అని శాలిని చెబుతుంది. అసలు నిన్ను మీటింగ్‌కు ఎవరు వెళ్లమన్నారని విరాట్ సీరియస్‌గా అడుగుతాడు. దాంతో అత్తయ్య చెప్పింది అని శాలిని అంటుంది.

శాలినిపై పొగడ్తలు

దాంతో విరాట్ ఏం మాట్లాడడు. అసలు నువ్ వెళ్లిన మీటింగ్ ఏం అయిందో తెలుసా. సక్సెస్ అయిందని విరాట్ అంటాడు. దాంతో అంతా హ్యాపీ అవుతారు. ఇక శాలినిని విరాట్, జగదీశ్వరి, కామాక్షి, శ్రుతి అంతా పొగుడుతుంటారు. ఆ పొగడ్తలకు శ్యామల ఉప్పొంగిపోతుంది.

ఇంతలో వచ్చిన శ్యామల ఒక్కసారి గెలిచినదానికే ఇంత ఆనందపడిపోమాకు. ఇలాంటివి చంద్రకళ ఎన్ని చేసిందో అని శ్యామల పొగుడుతుంది. దాంతో దుష్ట త్రయం హర్ట్ అవుతారు. సరేలే.. మొత్తానికి శాలిని ఈ ఒక్క విజయం సాధించింది అని తృప్తిపడండి అని శ్యామల అనేసి వెళ్లిపోతుంది.

మరుసటి రోజు తెల్లవారుజామునే ఇంటికి కొరియర్ బాయ్ రావడం వస్తాడు. వచ్చి ఇన్సూరెన్స్ పేపర్లు ఇస్తాడు. ఆ తర్వాత కరెంట్ బిల్లు అతను ఇంటికి వచ్చి మీరు ఇంకా బిల్లు కట్టలేదు అని చెబుతాడు. ఇలా అందరూ వచ్చి అది లేదు, ఇదు లేదు అని చెబుతారు. దాంతో ఏమైందమ్మా. ఈ మధ్యలో అన్నీ మర్చిపోతున్నావ్ అని జగదీశ్వరిని క్రాంతి అంటాడు.

ఆడపిల్ల ఉండాలిగా

నాకు ఆరోగ్యం బాగాలేదు. నిజంగానే నేను అన్ని మర్చిపోతున్నాను అని జగదీశ్వరి అంటుంది. అక్కడికి వచ్చిన శ్యామల ఇవే కాదు నువ్వు ఇంటి తాళాలు కూడా మర్చిపోయి ఎక్కడో పడేస్తున్నావు. రేపు ఈ ఇంటికి బాధ్యత కలిగిన ఎవరో ఒకరు ఉండాలి కదా. అంత జాగ్రత్తగా చూసుకోవడానికి ఈ ఇంట్లో ఒక ఆడపిల్ల ఉండాలి కదా తెలివైన వాళ్లు. ఇంటి కోడల్లు ఉన్నారుగా. వాళ్లకు ఇంటి బాధ్యతలు అప్పజెప్పు అని జగదీశ్వరితో అంటుంది.

దాంతో నిజంగానే నేను అన్ని మర్చిపోతున్నాను. ఇంటి బాధ్యతలు ఎవరికైనా అప్పజెప్పాలని అనుకుంటున్నాను అని జగదీశ్వరి అంటుంది. దాంతో చంద్రకళకే అప్పజెపుతుందని శ్యామల అనుకుంటుంది. కానీ, శాలినికి ఇంటి బాధ్యతలు అప్పజెప్పాలని అనుకుంటున్నాను తాళాలు శాలినికి ఇస్తుంది జగదీశ్వరి. దాంతో శాలిని తెగ సంతోషిస్తుంది.

శాలినికి ఇంటి బాధ్యతలు అప్పజెప్పడంలో నాకు ఎలాంటి ఇబ్బంది లేదు. ఇంటి కోడళ్లలో పెద్ద కోడలు నేనే అయి ఉండొచ్చు. కానీ, శాలిని బాగా చదువుకుంది అని చంద్రకళ అంటుంది. అలా అంతా శాలినికే ఇంటి బాధ్యతలు అప్పజెప్పడానికి ఒప్పుకుంటారు. కానీ, అప్పుడు అక్కడ శ్యామల మాత్రం ఉండదు. తర్వాత ఉదయాన్నే చంద్రకళకు ఇంటి బాధ్యతలు ఇస్తావనుకుంటే శాలినికి ఇచ్చావేంటని శ్యామల అడుగుతుంది.

తల్లికి ఫోన్ చేసి

చంద్రకళ ఒప్పుకుంటేనే ఇచ్చానని జగదీశ్వరి చెబుతుంది. దాంతో చంద్రకళను నువ్వు నిజంగానే శాలినికి ఇంటి బాధ్యతలు అప్పజెప్పడానికి అంగీకరించావా అని శ్యామల అడిగితే.. లేదని చంద్రకళ అంటుంది. అయితే, ఇంటి బాధ్యతలు తీసుకున్న రోజు రాత్రి శాలిని తన తల్లికి ఫోన్ చేసి తను ఇంటికి దేనికి వచ్చిందో అది జరిగే రోజు రాబోతుందని, త్వరలోనే ఇంటి ఆస్తిని కాజేస్తానని శాలిని మాట్లాడుతుంది.

ఆ మాటలు చంద్రకళ వింటుంది. అంటే శాలిని ఇంటిని నాశనం చేయాలనుకుంటుందా. అది జరగనివ్వకూడదు అని చంద్రకళ అనుకుంటుంది. అది గుర్తు చేసుకున్న చంద్రకళ శ్యామల దగ్గర తాను ఒప్పుకోలేదని. నిజానికి ఇంటి బాధ్యతలు తనకే అప్పజెప్పాలని అడ్డం తిరుగుతుంది.

పోటీ పెడతాను

దాంతో ఇద్దరి మధ్యలో ఒక పోటీ పెడతాను. ఆ పోటీలలో ఎవరు గెలుస్తారో వాళ్లకి ఇంటి బాధ్యతలు అప్పజెపుతానని శ్యామల అంటుంది. ఆ పోటీకి అందరూ అంగీకరిస్తారు. దాంతో తోడికోడళ్ల మధ్య పోటీ పడుతుంది. అక్కడితో నేటి నిన్ను కోరి సీరియల్ ఎపిసోడ్ ముగుస్తుంది.