ప్రపంచవ్యాప్తంగా విశేష ఆదరణ పొందిన కొరియన్ థ్రిల్లర్ సిరీస్ ‘స్క్విడ్ గేమ్’ సీజన్ 3 నెట్‌ఫ్లిక్స్‌లో సరికొత్త రికార్డు సృష్టించింది. విడుదలైన కేవలం మూడు రోజుల్లోనే 60.1 మిలియన్ల వ్యూస్‌ను సాధించి, నెట్‌ఫ్లిక్స్ వీక్లీ టాప్ 10 చార్ట్‌లో అగ్రస్థానంలో నిలిచింది. ‘స్క్విడ్ గేమ్’ సీజన్ 3 అతి తక్కువ సమయంలోనే నెట్‌ఫ్లిక్స్‌లో అత్యధికంగా వీక్షించిన నాన్-ఇంగ్లీష్ సిరీస్‌లలో ఒకటిగా నిలిచింది.

మొదటి 3 రోజుల వ్యూయర్ షిప్ ఆధారంగా నెట్‌ఫ్లిక్స్ చరిత్రలోనే అత్యధికంగా చూసిన నాన్-ఇంగ్లీష్ టీవీ షోగా ‘వెరైటీ’ అభివర్ణించింది. ఈ సీజన్ మొన్న శుక్రవారం విడుదల కావడం విశేషం.

గతంలో సీజన్ 2 డిసెంబర్ 26న గురువారం విడుదలైంది. అది నాలుగు రోజులలో 68 మిలియన్ల వ్యూస్‌తో రికార్డులను బద్దలు కొట్టింది. 2022లో ‘వెన్స్ డే’ సిరీస్ 50.1 మిలియన్ల వ్యూస్‌తో నెలకొల్పిన రికార్డును ఇది అధిగమించింది.

‘స్క్విడ్ గేమ్’ సీజన్ 3: గి-హన్ తుది యుద్ధం

‘స్క్విడ్ గేమ్’ సీజన్ 3లో గి-హన్ (లీ జంగ్-జే) ఈ ప్రాణాంతక ఆటను అంతం చేయడానికి లోపలి నుంచే ప్రయత్నిస్తాడు. క్రూరమైన ఫ్రంట్ మ్యాన్ (లీ బ్యుంగ్-హున్)ను సవాలు చేస్తూ, క్రూరత్వంపై మానవత్వం గెలుస్తుందని నిరూపించడానికి అతను శాయశక్తులా ప్రయత్నిస్తాడు.

‘స్క్విడ్ గేమ్’ అద్భుత ప్రయాణం 2021లో మొదటి సీజన్‌తో ప్రారంభమైంది. ‘ఇది నెట్‌ఫ్లిక్స్ చరిత్రలో అత్యధికంగా వీక్షించిన సిరీస్‌గా ఇప్పటికీ కొనసాగుతోంది. మొదటి 28 రోజులలో 16.5 బిలియన్ల వాచ్ అవర్స్‌‌ను ఇది నమోదు చేసింది. అప్పటి నుండి ఈ ఫ్రాంచైజ్ ‘స్క్విడ్ గేమ్: ది ఛాలెంజ్’ అనే రియాలిటీ కాంపిటీషన్ స్పిన్-ఆఫ్‌తో పాటు, కొరియన్ కంటెంట్ స్ట్రీమింగ్ ల్యాండ్‌స్కేప్‌ను మార్చేసింది.

‘స్క్విడ్ గేమ్’ సీజన్ 3 గురించి మరిన్ని విషయాలు

హ్వాంగ్ డాంగ్-హ్యుక్ సృష్టించిన ‘స్క్విడ్ గేమ్’ సీజన్ 3 ద్రోహం, మనుగడ, నైతిక సంక్లిష్టత వంటి ఇతివృత్తాలను అన్వేషిస్తుంది. నటీనటులలో లీ జంగ్-జే, లీ బ్యుంగ్-హన్, వీ హా-జున్‌ వంటి సుపరిచిత ముఖాలతో పాటు, కాంగ్ హా-న్యూల్ యిమ్ సి-వాన్ వంటి కొత్తవారు కూడా ఉన్నారు. ఈ సీజన్‌కు మరింత ఉత్సాహాన్ని నింపుతూ, హాలీవుడ్ నటి కేట్ బ్లాంకెట్ ఆశ్చర్యకరమైన పాత్రలో కనిపించారు.