Best Web Hosting Provider In India 2024
విజయవాడ: వైయస్‌ఆర్‌ కాంగ్రెస్‌ పార్టీ కార్యకర్త కాలర్‌ ఎగరేసేలా పార్టీ అధ్యక్షులు, ముఖ్యమంత్రి వైయస్‌ జగన్‌మోహన్‌రెడ్డి పరిపాలన అందించారని ఎమ్మెల్యే కురసాల కన్నబాబు అన్నారు. అలాంటి నాయకుడి నాయకత్వంలో పనిచేయడం మనందరం చేసుకున్న గొప్ప అదృష్టమని చెప్పారు. ఆంధ్రప్రదేశ్‌కు జగనన్నే ఎందుకు కావాలనేది జనంలోకి విస్తృతంగా తీసుకెళ్లాలని, రాబోయే రోజుల్లో మన పార్టీ, ప్రభుత్వం సీఎం వైయస్‌ జగన్‌ నాయకత్వంలో తీసుకుంటున్న కార్యక్రమాలను ప్రజలకు వివరించేందుకు ప్రధానంగా నాలుగు కార్యక్రమాలను రూపొందించామన్నారు. వైయస్‌ఆర్‌ సీపీ ప్రతినిధుల సభకు హాజరైన వారంతా.. కిందస్థాయి వరకు ఆ కార్యక్రమాలను తీసుకెళ్లాలని వివరించారు. విజయవాడలో ఇందిరాగాంధీ మున్సిపల్‌ స్టేడియంలో ఏర్పాటు చేసిన వైయస్‌ఆర్‌ సీపీ ప్రతినిధుల సభలో నాలుగు కార్యక్రమాల గురించి ఎమ్మెల్యే కన్నబాబు వివరించారు.
