గుండె నిండా గుడి గంటలు సీరియల్‌ ఈరోజు ఎపిసోడ్‌లో దొంగతనం చేసినవాడు తప్పంతా నీ మీద తోసి తప్పించుకున్నాడు. నువ్వేందుకురా నిజం దాచి మీనా దృష్టిలో చెడ్డవాడు అవుతున్నావ్ అని రాజేష్ అంటాడు. శివ గాడు దొంగతనం చేశాడని తెలిస్తే మీనాను మా అమ్మ ప్రశాంతంగా బతకనివ్వదు. వాళ్ల ఇంట్లోవాళ్లు కూడా ప్రశాంతంగా బతకరు. నిజం చెప్పి బాధపెట్టడం కన్నా అబద్ధంతో కోపం తెప్పించడం మంచిది అని బాలు అంటాడు.

నమ్మలేకపోతున్నా

మరోవైపు మీనా వెక్కి వెక్కి ఏడుస్తుంది. శివకు తొందరగానే నయమవుతుందిలే అని రోహిణి సర్దిచెబుతుంది. ఇప్పుడు వాడికి ఎగ్జామ్స్ ఉన్నాయి. సంవత్సరం పోయింది అని మీనా అంటుంది. అది కూడా చూసుకోవచ్చు. కానీ, బాలునే ఇలా చేశాడంటే నమ్మలేకపోతున్నా అని శ్రుతి అంటుంది. బాలు గాడు ఏది చేసిన న్యాయం ఉంటుందంటారు. ఆ శివగాడే ఏదో తప్పు చేసే ఉండొచ్చు కదా అని ప్రభావతి అంటుంది.

ఏం చేసిన చదువుకునే కుర్రాడి చేయి విరిచేయడం తప్పు. కానీ, కారణం తెలియట్లేదు అని సత్యం అంటాడు. శివ గుణకు తోడుగా వెళ్లాడట. గుణను కొడుతుంటే అడ్డుపడినందుకే చేయి విరిచేశాడట అని మీనా అంటుంది. ఓరి దేవుడా ఆ గుణ దగ్గరేనా శివ పనిచేసేది. అంటే నేను రెండు లక్షలు తీసుకున్న విషయం శివకు తెలిసే ఉంటుంది. నా నెత్తిమీద పేలడానికి ఇంకో బాంబ్ సిద్దంగా ఉంది అని రోహిణి భయపడుతుంది.

అడ్డం వెళ్లినందుకే ఎందుకు కొడతాడు. ఆ శివగాడు ఎదురుతిరిగే టైప్ కూడా కాదు. ఇంకేదో ఉంటుంది అని ప్రభావతి అంటుంది. ఇంతలో బాలు వస్తాడు. నీ సమాధానం కోసం అందరం ఎదురుచూస్తున్నాం. శివను చేయి ఎందుకు విరగ్గొట్టావ్ అని సత్యం అంటాడు. వాడు కాలేజీకి వెళ్లకుండా పనికిమాలిన వాళ్లతో తిరుగుతున్నాడు అని బాలు అంటాడు. అలా అయితే ఇంట్లోవాళ్లకు చెప్పాలి. దారుణంగా కొట్టాల అని సత్యం అంటాడు.

కక్ష ఎందుకు పుట్టింది

ఇంట్లోవాళ్లనే టార్చర్ పెడతాడు. సొంతవాళ్లు, పరాయి వాళ్లు అని కూడా తెలుస్తుందా అని శ్రుతి అంటుంది. శివ గాడి మీద అంత కక్ష ఎందుకు పుట్టింది. శివగాడే ఎదురు సమాధానం చెప్పే ఉంటాడు అని ప్రభావతి అంటుంది. మీనా ఎంత ద్వేషం పెంచుకుంటుందో. ఏం అనుకుంటుందో అని బాలు మనసులో అనుకుంటాడు. మీనా అయితే ఊరుకుంది. ఇంకొకరు అయితే పోలీస్ కంప్లైంట్ ఇచ్చేవాళ్లు. ఇది క్రిమినల్ కేసు తెలుసా అని శ్రుతి అంటుంది.

ఏంటి క్రిమినలా. నేను క్రిమినల్ అయితే ఇంట్లో మీరెవరు ఉండరు. ఇది నా సొంత విషయం మీరెందుకు జోక్యం చేసుకుంటున్నారు అని బాలు అంటాడు. ఇందులో శివ తప్పేముండదు. నువ్వే ఆవేశంలో చేసింటావ్ అని రవి అంటాడు. నువ్వు చూశావా.. అసలు వాడు చేసిన పనికి అని దొంగతనం జరిగింది గుర్తు చేసుకుంటాడు. ఏంట్రా మాట్లాడావు అని సత్యం అంటాడు.

వదిలేయండి. వాడి చెడుతిరుగుళ్లు నాకు నచ్చలేదు. కొట్టాను అని బాలు అంటాడు. ఆయన్ను ఏం అడగకూడదు. మేం పేదవాళ్లం. మిమ్మల్ని కొట్టిన తిట్టిన పడతారనే కదా. ఎవరికి చెప్పుకోవద్దనే కదా. ఈయన ఫ్రెండ్ కోసం నా తమ్ముడి చేయి విరిచేశాడు. మేము ఆయన దృష్టిలో ఎవరు లేని వాళ్లం అయిపోయాం. ఇవాళ వాడికి అయింది రేపు నాకు అవుతుంది. చూస్తూ ఊరుకోవాలి అంతే అని మీనా అంటుంది.

కొత్త కారణం పుట్టించొద్దు

బాధ్యతగా ప్రవర్తించాలి కదరా అని సత్యం అంటాడు. బాధ్యత ఉంది కాబట్టే బుద్ధి చెప్పాను అని బాలు అంటాడు. జరిగినదానికి నువ్ చెప్పినదానికి సంబంధం ఉందా. నువ్ వాడికి డబ్బులు ఇచ్చావా. నువ్ సంపాదించింది అంతా అక్కడికే చేరేస్తున్నావా అని ప్రభావతి అంటుంది. ఇంకో కారణం పుట్టించొద్దని అత్తయ్యకు చెప్పండి అని సత్యంతో అంటుంది మీనా.

అంత ఘోరంగా కొట్టాడు ఘోరమైన తప్పే చేసి ఉంటాడు అని రోహిణి అంటుంది. ఇదివరకు వీడి బైక్ దొంగతనం చేశాడుగా. అలాంటిదే ఏదో చేసి ఉంటాడు అని మనోజ్ అంటాడు. ఆపండి అని మీనా ఫైర్ అవుతుంది. తెలీక చేశాడు. ఇప్పుడు మారిపోయాడు. ఒక్కసారి తప్పుచేస్తే మళ్లీ మళ్లీ అదే చేయడానికి మీలా కాదు. జాబ్ ఉందని చెప్పి పార్కుల్లో పడుకోవట్లేదు అని మీనా అంటుంది.

నిజంగా వాడు అంత ఘోరమైన తప్పే చేసుంటే నేనే వాడిని ఇంట్లోనుంచి తన్ని తరిమేస్తాను అని మీనా అంటుంది. ఇదంతా బాలు మీద చూపించు అని ప్రభావతి అంటుంది. వెళ్లి వాడికి వాడి కుటుంబానికి క్షమించమని చెప్పు అని సత్యం అంటాడు. నాన్న నేను ఏ తప్పు చేయలేదు. ఎవరు ఏ తప్పు చేసిన నా మీద నిందలు పడుతున్నాయి. నేనే చెడ్డవాన్ని అవుతున్నాను. దానివల్ల పోయేదేం లేదు. నేను ఎవరికి క్షమాపణ చెప్పదలుచుకోలేదు అని బాలు చెప్పేసి వెళ్లిపోతాడు.

బయటకు పంపించే ఉపాయం

ఇన్నాళ్లు వాడి కొంగుకు కట్టేసుకుని ఆడిస్తుందనుకున్నాను. వాడిని ఎవరు మార్చలేరు. దీన్ని అడ్డుపెట్టుకుని వీళ్లిద్దరిని బయటకు పంపించే ఉపాయం ఆలోచిస్తాను అని ప్రభావతి మనసులో అనుకుంటుంది. తర్వాత రాత్రి మీనాతో వచ్చి జరిగింది ఏంటో తెలుసుకోవాలి. నాన్నకు ఎందుకు చెప్పావ్ అని బాలు అంటాడు. మీరు ఎలా కొట్టారో తెలుసుకున్నాను అని మీనా అంటుంది.

ఏదైనా చెప్పుకోవాలంటే తండ్రి తర్వాత తండ్రి మావయ్యకు చెప్పుకోవాలి. ఏం చేయాలి నా గుండె మండిపోతుంది. అందుకే బయటపెట్టాను. ఇంకెవరికి నా బాధ చెప్పుకోను అని మీనా కోపంలో వేడి మీద ఉన్న పాత్ర తీస్తుంది. దాంతో మీనా చేయి కాలుతుంది. బాలు చూస్తే చూడనివ్వదు. మీకు ఎప్పుడు ఎవరితో ఉండాలో తెలియదు. తప్పంతా మాదే అంటారా అని మీనా అంటుంది.

అసలు ఏం జరిగిందో తెలియకుండా అపార్థం చేసుకుంటున్నావ్. నిజమేంటో నీకు తెలియదు అని బాలు అంటాడు. మీరు నిజాలు మాట్లాడితేనే భరించలేం. ఇక అబద్ధాలు ఎవరు వింటారు. అప్పు ఇచ్చింది గుణ, తీసుకుంది రాజేష్. గుణను కొట్టాల్సింది. శివ చేయి ఎందుకు విరగొట్టారు. వాడి భవిష్యత్ గురించి ఆలోచించారా. మేము పేదవాళ్లం కదా. ఇంకెప్పుడు నన్ను వెనుకేసురావడానికి మీ అమ్మతో గొడవ పడకండి. మా బతుకు బతకనివ్వండి అని మీనా అంటుంది.

సిగ్గులేకపోతే సరి

దాంతో బాలు వెళ్లిపోతాడు. కామాక్షికి కాల్ చేసి మీనా, బాలు గొడవ పడుతున్నారు, నాకు సంతోషంగా ఉంది. ఇప్పుడు ఎవరిని ఏమన్నా ఎవరు రారు. ఇప్పుడు ఇద్దరి మధ్య పచ్చగడ్డి వేస్తే భగ్గుమంటుంది అని ప్రభావతి అంటుంది. సిగ్గులేకపోతే సరి అని కామాక్షి మనసులో అనుకుంటుంది. తర్వాత రోహిణి, మనోజ్ గురించి గొప్పగా మాట్లాడుతుంది ప్రభావతి.

ఈ మీనా, బాలునే సిగ్గులేకుండా ఇంటి పరువు వీధిలా పడేస్తున్నారు. పూలకొట్టు పెట్టారుగా గొడవ అంతా అక్కడే అని ప్రభావతి అంటుంది. ఎంతనచ్చకపోయిన మీనా గురించి అలా చెప్పకు అని కామాక్షి అంటుంది. ఉన్నదేగా. బొత్తిగా నాగరికం లేని మొద్దు అని ప్రభావతి అంటుంది. అదంతా సత్యం వెంటాడు. మీనా బాలు గురించి కామాక్షికి ఎందుకు చెప్పావ్ అని నిలదీస్తాడు.

వాళ్ల గొడవలు చూసి సంబరపడటం రాక్షసత్వం అనిపించుకుంటుంది. ఇంత వయసు వచ్చిన నీకు ఏం తెలియట్లేదు అని సత్యం అంటాడు. వాళ్లను ఇంట్లోంచి పంపించేద్దామంటే ఉలకరు పలకరు అని ప్రభావతి అంటుంది. నువ్ వాళ్ల గురించి ఎక్కువ ఆలోచించకు అని లోపలికి పంపిస్తాడు సత్యం. మీనాతో గొడవ జరగడంతో బాలు పైన ఒంటరిగా పడుకుంటాడు.

పడుకున్న బాలుకు మీనా ఇంట్లోంచి వెళ్లిపోయినట్లు కల వస్తుంది. ఇక నుంచి మీ మొహం చూడను అని లగేజ్ సర్దుకుని మీనా వెళ్లిపోయినట్లు కల వస్తుంది. ఉలిక్కి పడి లేచిన ఈ గొడవ మా మధ్య దూరం పెంచుతుందా అని భయపడతాడు. మీనాకు నిజం చెప్పడం బెటర్ అని అనుకుంటాడు బాలు.

నిజం చెప్పేద్దాం

దాంతో మీనాకు నిజం చెప్పాలని గదిలోకి వెళ్తాడు బాలు. నిజం చెప్పడానికి వచ్చారా అని మనసులో అనుకుంటుంది మీనా. ఏది అయితే అది అయింది నిజం చెప్పేద్దాం అని బాలు అనుకుంటాడు. అక్కడితో నేటి గుండె నిండా గుడి గంటలు సీరియల్ ఎపిసోడ్ ప్రోమో ముగుస్తుంది.