సబ్సిడీలు నిజమైన లబ్ధిదారులకు చేరేలా చూడటానికి భారత ప్రభుత్వం.. ఆధార్ కార్డును- రేషన్ కార్డుతో అనుసంధానం చేయడాన్ని తప్పనిసరి చేసింది. మోసపూరిత రేషన్ కార్డుల సమస్యను పరిష్కరించడం, రేషన్ ప్రయోజనాల పంపిణీని మెరుగుపరచడం ఈ చర్యల వెనుక ప్రధాన ఉద్దేశం. లింకింగ్ ప్రక్రియను మరింత సులభతరం చేసి అందరికీ అందుబాటులోకి తెచ్చేందుకు ప్రభుత్వం ఆన్​లైన్ వ్యవస్థను ఏర్పాటు చేసింది. ఈ నేపథ్యంలో రేషన్​ కార్డును ఆధార్​ కార్డుతో సులభంగా ఎలా లింక్​ చేసుకోవాలో ఇక్కడ తెలుసుకోండి..

రేషన్ కార్డును మీ ఆధార్​ కార్డుకు ఇలా లింక్​ చేసుకోండి..

స్టెప్​ 1: మీ రాష్ట్ర అధికారిక ప్రజా పంపిణీ వ్యవస్థ (పీడీఎస్) వెబ్సైట్​ని సందర్శించండి. ఆధార్ లింకింగ్ కోసం సంబంధిత విభాగాన్ని యాక్సెస్ చేయడానికి మీరు మీ ఆధారాలను ఉపయోగించి లాగిన్ అవ్వాల్సి ఉంటుంది.

స్టెప్​ 2: లాగిన్ అయిన తర్వాత, మీ ఆధార్​ను మీ రేషన్ కార్డుకు లింక్ చేసే ఆప్షన్ కనిపిస్తుంది. దాన్ని ఎంచుకోండి. మీ ఆధార్, రేషన్ కార్డు నెంబర్ల వివరాలను నమోదు చేయమని మిమ్మల్ని అడుగుతారు.

స్టెప్ 3: అవసరమైన సమాచారాన్ని ఎంటర్ చేసిన తర్వాత, మీ రిజిస్టర్డ్ మొబైల్ నెంబర్​కి ఓటీపీ (వన్ టైమ్ పాస్వర్డ్) వస్తుంది. మీ గుర్తింపును ధృవీకరించడానికి, లింకింగ్ ప్రక్రియను పూర్తి చేయడానికి ఓటిపిని నమోదు చేయండి. ఆధార్, రేషన్ కార్డు లింకింగ్​ విజయవంతమైందని సూచిస్తూ మీ ఫోన్​కి కన్ఫర్మేషన్ మెసేజ్ వస్తుంది.

రేషన్ కార్డులో జాబితా చేసిన కుటుంబ సభ్యులందరూ రేషన్ ప్రయోజనాలను పొందడంలో అంతరాయం కలగకుండా ఉండటానికి వారి ఆధార్​ని అనుసంధానం చేయాలని గమనించడం ముఖ్యం. ఆధార్ అథెంటికేషన్, మొబైల్ నెంబర్, ఫింగర్ ప్రింట్ వెరిఫికేషన్​తో కూడిన తప్పనిసరి కేవైసీ (నో యువర్ కస్టమర్) వెరిఫికేషన్​ని కూడా ప్రభుత్వం అమలు చేసింది.

రేషన్ కార్డుతో ఆధార్​ని అనుసంధానించడంతో పాటు, ఆధార్ కార్డుపై పేరు, చిరునామా లేదా పుట్టిన తేదీ వంటి వ్యక్తిగత వివరాలను ఆన్​లైన్​లో ఉచితంగా అప్డేట్ చేయడానికి యూఐడీఏఐ (యునిక్ ఐడెంటిఫికేషన్ అథారిటీ ఆఫ్ ఇండియా) అవకాశం కల్పించింది. మొదట డిసెంబర్ 14, 2024తో ముగియాల్సిన ఈ సదుపాయాన్ని ఇప్పుడు జూన్ 14, 2025 వరకు పొడిగించారు. ఇది పౌరులకు అవసరమైన అప్డేట్స్​ చేయడానికి మరింత సమయం ఇస్తుంది.

కేవైసీ ధృవీకరణ ప్రక్రియను పూర్తి చేయడంలో విఫలమైతే మీ రేషన్ కార్డు రద్దు కావచ్చు! అందువల్ల, రేషన్ సరఫరాలో అంతరాయాలను నివారించడానికి ఈ ఫార్మాలిటీలను పూర్తి చేయడం చాలా అవసరం.

సంక్షేమ పథకాలను క్రమబద్ధీకరించడానికి, మోసాలను నిర్మూలించడానికి ప్రభుత్వం చేస్తున్న ప్రయత్నాల్లో భాగంగా ఆధార్-రేషన్ కార్డు అనుసంధానం జరిగింది. అర్హులైన వ్యక్తులు మాత్రమే ప్రయోజనం పొందేలా చూడటం ద్వారా, ప్రభుత్వ వనరుల పంపిణీలో పారదర్శకతను పెంచడం ఈ కార్యక్రమం లక్ష్యం.