ఇన్‌స్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా (ఐసీఏఐ) మే 2025లో నిర్వహించిన సీఏ ఫైనల్ పరీక్షల ఫలితాలను త్వరలో విడుదల చేయనుంది. ఫలితాలను విడుదల చేసే తేదీని ఐసీఏఐ ఇంకా అధికారికంగా ప్రకటించలేదు కానీ జులై మొదటి వారంలో ఫలితాలు వెలువడే అవకాశం ఉందని తెలుస్తోంది.

ఐసీఏఐ మాజీ సెంట్రల్ కౌన్సిల్ మెంబర్ ధీరజ్ ఖండేల్వాల్ తన ఎక్స్ అకౌంట్​ ద్వారా ఇచ్చిన సమాచారం ప్రకారం.. జులై మొదటి వారంలో, అంటే జులై 3 లేదా 4 తేదీల్లో ఫలితాలు విడుదలయ్యే అవకాశం ఉంది.

ఫలితాలు విడుదలైన తర్వాత, పరీక్షకు హాజరైన అభ్యర్థులు ఐసీఏఐ అధికారిక వెబ్‌సైట్ icai.org లో తమ ఫలితాలను చూసుకోవచ్చు. ఫలితాలు చూసుకోవడానికి అభ్యర్థులు తమ యూజర్ ఐడీ, పాస్‌వర్డ్ ఉపయోగించి లాగిన్ అవ్వాలి.

• సీఏ, సీఎస్​ మాత్రమే కాదు.. కామర్స్​ వారికి ఈ కోర్సుల్లో కూడా మంచి ప్యాకేజీతో జాబ్​ ఆఫర్స్​- పూర్తి వివరాల కోసం ఇక్కడ క్లిక్​ చేయండి.

ఐసీఏఐ సీఏ ఫైనల్ మే 2025 ఫలితాలను ఎలా చెక్​ చేసుకోవాలి?

సీఏ ఫైనల్​ పరీక్షల ఫలితాలు విడుదలైన తర్వాత వాటిని డౌన్‌లోడ్ చేసుకోవడానికి అభ్యర్థులు కింద పేర్కొన్న స్టెప్స్​ని అనుసరించవచ్చు:

స్టెప్​ 1- ముందుగా, ఐసీఏఐ అధికారిక వెబ్‌సైట్ icai.org ని సందర్శించండి.

స్టెప్​ 2- హోమ్ పేజీలో, ఐసీఏఐ సీఏ మే 2025 పరీక్ష ఫలితాల డౌన్‌లోడ్ లింక్​పై క్లిక్ చేయండి.

స్టెప్​ 3- మీ లాగిన్ వివరాలను (యూజర్ ఐడీ, పాస్‌వర్డ్) నమోదు చేసి, సబ్మిట్ చేయండి.

స్టెప్​ 4- తర్వాత, మీ ఐసీఏఐ సీఏ ఫైనల్ 2025 ఫలితాలు స్క్రీన్‌పై కనిపిస్తాయి.

స్టెప్​ 5- ఫలితాలను డౌన్‌లోడ్ చేసుకుని, భవిష్యత్ అవసరాల కోసం ఒక ప్రింటౌట్ తీసుకోవడం మంచిది.

ఐసీఏఐ సీఏ ఫైనల్​ పరీక్షల నిర్వహణ వివరాలు..

ఈ ఏడాది మే నెలలో సీఏ గ్రూప్ 1 ఫైనల్ పరీక్షలు మే 2, 4, 6వ తేదీల్లో జరిగాయి. గ్రూప్ 2 పరీక్షలను మే 8, 16, 18వ తేదీల్లో నిర్వహించారు.

గత సంవత్సరాల ఫలితాల సరళిని పరిశీలిస్తే.. 2024లో ICAI CA మే పరీక్షల ఫలితాలు జులై 11న విడుదల కాగా, 2023లో జులై 5న విడుదలయ్యాయి.

మరిన్ని వివరాల కోసం, అభ్యర్థులు ఐసీఏఐ అధికారిక వెబ్‌సైట్‌ను సందర్శించాలని అధికారులు సూచించారు.

ఐసీఏఐ సీఏ ఫైనల్​ ఫలితాల అప్డేట్స్​ని హిందుస్థామ్​ టైమ్స్​ తెలుగులో మేము మీకు ఎప్పటికప్పుడు తెలియజేస్తాము. మరిన్ని వివరాల కోసం కెరీర్​ సెక్షన్​ని పరిశీలిస్తూ ఉండండి. స్టే ట్యూన్డ్​!