Best Web Hosting Provider In India 2024
స్టార్ డైరెక్టర్ పా రంజిత్ దర్శకత్వంలో తమిళ స్టార్ హీరో చియన్ విక్రమ్ హీరోగా నటిస్తున్న తంగలాన్ చిత్రంపై చాలా అంచనాలు ఉన్నాయి. ఫస్ట్ లుక్ నుంచే ఈ పాన్ ఇండియా మూవీపై హైప్ ఉంది. హిస్టారికల్ యాక్షన్ డ్రామా మూవీగా తంగలాన్ రూపొందింది. కొలార్ గోల్డ్ ఫీల్డ్స్ (కేజీఎఫ్)లో బంగారం కోసం జరిగిన పోరాటాల చుట్టూ తంగలాన్ మూవీ తెరకెక్కింది. ఎంతగానో ఎదురుచూస్తున్న తంగలాన్ సినిమా ట్రైలర్ నేడు (జూలై 10) రిలీజైంది.
తంగలాన్ సినిమాలో చియాన్ విక్రమ్ మరోసారి డిఫరెంట్ గెటప్లో నటవిశ్వరూపం చూపించారు. ట్రైలర్లో విక్రమ్ గెటప్, యాక్టింగ్, యాక్షన్ అదిరిపోయాయి. ఓ తెగకు నాయకుడిగా విక్రమ్ ఈ మూవీలో ఉన్నారు. దర్శకుడు పా రంజిత్ మార్క్ స్పష్టంగా కనిపించింది. విజువల్స్ చాలా గ్రాండ్గా ఉన్నాయి. కొత్త ప్రపంచంలా కనిపిస్తోంది. జీవీ ప్రకాశ్ కుమార్ బ్యాక్గ్రౌండ్ మ్యూజిక్ కూడా బాగా సూటైంది.
